Ostroh BibleКнига Варуха, розділ 5
Шрифт:
Запис:
1
Съвлеци і҆ерс̑҇ли́ме ры́зы желѣн꙽ныѧ и҆ заѕлѣнїѧ твое҆го. и҆ ѻ҆блецисѧ в лѣпотꙋ сла́вы ꙗ҆́же тебѣ бы́сть ѿ бг҃а въ вѣкъ. ѻ҆деждисѧ въ ѻ҆крил̑҇ правды ꙗ҆́же ѿ бг҃а. возложи вѣнецъ на главꙋ̀ свою̀ сла́вы вѣ́чнаго. б҃ъ б̂о ꙗ҆ви́тъ все́и под̑нбс̑҇нѣи твое просвѣтенїе. прозоветъ б̂о сѧ ѿ бг҃а и҆мѧ твое въ вѣки, ми́ръ правды и҆ сла́ва бл҃гочестїѧ·
2
Въста́ни і҆ерс̑҇ли́ме, и҆ ста́ни на высоцѣ, и҆ поглѧда́и на востоки, и҆ ви́ждь събрана ча́да твоа̀ ѿ востокъ сл҃нца до за́пада, словесем̑ ст҃го ра́дꙋющесѧ бж҃їею па́мѧтїю·
3
И҆зыидоша бо ѿ тебе пѣши ведо́ми враги, въведетъ же ѧ҆̀ б҃ъ к тебѣ несо́мы съ сла́вою, ꙗ҆́ко сн҃ы црс̑҇тва. сътворѝ б̂о б҃ъ смири́тисѧ все́и горѣ высо́цѣ, и҆ помо́рїю прс̑҇нотекꙋщ́емꙋ и҆ де́бремъ наполни́тисѧ в равень зе́мнꙋю да и҆́детъ і҆и҆л҃ь ѹ҆твер꙽женъ сла́вою бж҃їею. ѻ҆сѣниша же и҆ дꙋбра́вы и҆ всѧко древо бл҃го во́ньствомъ і҆и҆л҃ю, повелѣнїемъ бж҃їимъ·
4
Пред̑и҆́детъ б̂о б҃ъ і҆и҆л҃еви съ веселїемъ свѣтомъ сла́вы е҆го, с помилова́нїем꙽ и҆ правдою ꙗ҆же ѿ него̀·
5
Писа́нїе пꙋщеное къ жидом̑ і҆еремїею прро̑҇ком̑ въ вавѷлон̑҇. написа́ же и҆̀ варꙋхъ·
Джерела
