Ostroh Bible❧Книга Еклезіястова, розділ 6

1

Єсть лꙋкав꙽ствїе е҆же ви́дх̑ѣ под̑ слн҃цемъ, и҆ мно́го е҆сть ѿ чл҃ка·

2

Мꙋж́ъ и҆же да́сть е҆мꙋ б҃ъ бога́т꙽ство і҆ и҆мѣнїе и҆ сла́вꙋ·

3

И҆ нѣсть лиша́ѧи дш҃и е҆го ѿ всѣхъ их̑же въжделѣетъ·

4

И҆ не да́сть е҆мꙋ б҃ъ вла́сти ѿ него ꙗ҆́сти ꙗ҆́ко чюж̑ мꙋжъ ꙗ҆́сти и҆́мать ѿ него·

5

и҆ се же сꙋета и҆ недꙋгъ ѕо́лъ е҆сть. а҆ще пребꙋдетъ мꙋжъ, р҃, лѣтъ, и҆ мно́га поживетъ, и҆ мно́ѕи бꙋдт̑ꙋ дн҃їе лѣтъ е҆го. и҆ дш҃а е҆го не насытит̑сѧ ѿ бл҃госты́нѧ и҆ погребе́нїѧ не быс̑҇ е҆мꙋ·

6

и҆ рѣхъ бл҃га паче е҆го и҆зверга, ꙗ҆́ко въ сꙋетѣ прїиде и҆ въ тмꙋ и҆дет̑, и҆ въ тмѣ и҆мѧ е҆го покрыетсѧ. и҆ слн҃ца же не ви́дѣ ни́же разꙋмѣ поко́ѧ·

7

Сїе па́че сего и҆ житъ ты́сѧща лт̑ѣ по всемꙋ, блгс̑҇тынѣ не ви́дѣ. е҆да̀ не въ е҆ді́но л̂и мѣсто вс̂ѧ и҆дт̑ꙋ. ве́сь трꙋдъ чл҃чъ въ ѹ҆ста е҆го, и҆ дш҃а же е҆го не и҆спо́лнитсѧ·

8

ꙗ҆коже и҆зъѻ҆билїе чл҃кꙋ мꙋдромꙋ па́че безꙋмнаго, поне́же нищъ ви́дѣ ходи́ти проти́вꙋ животꙋ. бл҃го видѣнїе ѻ҆́чїю па́че ходѧ́щаго дш҃ею. и҆ с̂е сꙋе҆т꙽ствїе изволенїе дх҃а·

9

И҆же чт̂о бысть ѹ҆жѐ и҆меновасѧ и҆мѧ е҆го, и҆ познасѧ е҆же е҆сть чл҃къ, и҆ не возмо́жетъ сꙋди́тисѧ съ крѣпча́ишимъ па́че себѐ. ꙗ҆́ко сꙋть словеса̀ мно́га ѹ҆множа́юще сꙋ́етꙋ·