Ostroh BibleПерша книга Мойсеєва: Буття, розділ 15
Шрифт:
Запис:
1
По гл҃анїи же се́м꙽, бы́сть сло́во гн҃е къ а҆вра́мꙋ въ видѣ́нїи въ нощѝ гл҃ѧ не бо́исѧ а҆вра́ме а҆зъ защищꙋ̀ т̂ѧ м꙽зд̑а т̂и бꙋдетъ ѕѣло̀ мно́га·
2
Гл҃а же а҆вра́мъ влд̑ко г҃и что̀ ми дасѝ а҆́з же ѿпꙋщꙋсѧ без ча́да. сн҃ъ же масе́ковъ домоча́дица мое҆ѧ, с̂и дама́скосъ е҆лїе҆зе́ръ·
3
І҆ ещѐ рече а҆врам̑, е҆́льмаже мн̂ѣ не да́сть пло́да, домоча́децъ мой наслѣдникъ бꙋдетъ по мн̂ѣ·
4
І҆ а́бїе гла́съ гн҃ь бысть къ немꙋ̀ гл҃ѧ, не бꙋдетъ се́и наслѣ́дник꙽ твой, н̂о и҆же и҆зы́детъ и҆с тебѐ, то́и бꙋдетъ наслѣдник꙽ тебѣ·
5
И҆ и҆зведѐ и҆̀ во́нъ и҆ реч̑҇ къ немꙋ, възрѝ на нб҃о и҆ съчтѝ ѕвѣзды, а҆ще мо́жеши и҆счестѝ и҆ рече та́ко бꙋдет꙽ сѣмѧ твое·
6
Вѣ́рова а҆вра́мъ б҃ꙋ и҆ въмѣни́сѧ е҆мꙋ въ пра́вдꙋ·
7
И҆ рече къ немꙋ а҆́зъ е҆смь б҃ъ и҆зведы́и тѧ ѿ страны̀ хал꙽дѣ́искїа, ꙗ҆́ко да́ти тебѣ землю сїю прїѧ́ти ю҆̀·
8
И҆ рече влд̑ко г҃и по чесомꙋ с̂е разꙋмѣю, ꙗ҆́ко прїѧ́ти ю҆̀ и҆́мамъ·
9
Рече же къ немꙋ. възмѝ м̂и ю҆́ницꙋ трилѣтнꙋ, и҆ козꙋ̀ трилѣтнꙋ і҆ ѻ҆ве́нъ трилѣтен꙽, и҆ съ горлицею го́лꙋбъ·
10
Възѧ́вшꙋ же е҆мꙋ вс̂ѧ и҆ претеса̀ ѧ҆̀ на́ полы, и҆ положи ѧ҆̀ разли́чно прѧ́мо къ себѣ, птиц̑҇ же не претеса̀. сълетѣша же пти́ца на телеса̀ расте́санаѧ, и҆ сѣде съ ни́ми а҆врам̑·
11
Заходѧщꙋ же слн҃цꙋ ѹ҆́жасъ нападѐ на а҆вра́ма, и҆ с̂е страх̑ те́мен꙽ ве́лїи нападѐ на́нь·
12
И҆ рече́но бы́сть а҆вра́мꙋ вѣ́дѧ вѣждь, ꙗ҆́ко ѻ҆быта́лницы бꙋдꙋт꙽ сѣмѧ твое в꙽ землѝ не свое́и, и҆ порабо́тѧтъ и҆ зазлѧтъ им̑, и҆ смирѧт̑ ѧ҆̀ четыриста̀ лт̑ѣ ꙗ҆зы́кꙋ же е҆мꙋже порабо́таю҆т꙽ сꙋждꙋ а҆́зъ·
13
Посе́м же и҆зы́дꙋтъ съ и҆мѣнїемъ мно́гимъ, ты́ же ѿи́деши къ ѿц҃ем твои҆мъ, жи́въ съ миром̑ въ ста́рости до́брѣ·
14
Четве́ртое же колѣно ѻ҆братит̑сѧ сѣмо·
15
Не сꙋть б̂о сконча́лисѧ грѣсѝ а҆мор꙽рѣи досе́лѣ·
16
І҆ ꙗ҆ко бысть сл҃нце на за́ходѣ, пла́мы бысть и҆ с̂е пе́щъ кꙋрѧ́щисѧ, и҆ свѣща̀ ѻ҆́гнены проидо́ша междꙋ по́лотми си́ми·
17
Въ то́и дн҃ь завѣща̀ г҃ь а҆вра́мꙋ завѣтъ гл҃ѧ, сѣмени твое҆мꙋ дам̑ землю сїю, ѿ рѣкѝ е҆гѷпет̑скїѧ, до рѣкѝ вели́кїѧ е҆фра́тъ. кене́ѧ, и҆ кенезе́ѧ, и҆ кед̑монеѧ и хет꙽ѳе́а и҆ ферезе́а, и҆ рафаи́ны, і҆ а҆морре́а и҆ ханане́ѧ, і҆ еѹ҆ве́ѧ, і҆ енесе́ѧ, і҆ евꙋсе́ѧ·
Джерела
