Ostroh BibleКнига Псалмів, розділ 110
Шрифт:
Запис:
1
Исповѣмсѧ тебѣ г҃и всѣмъ срд̑цемъ мои́мъ, в꙽ совѣтех̑ пра́выхъ и҆ сонмѣ·
2
Ве́лїа дѣла гн҃ѧ, и҆зы́скана во всх̑ѣ во́лѧхъ е҆го,.
3
И҆ сповѣданїе и҆ велелѣпота дѣ́ло е҆го, и҆ пра́вда е҆го пребыва́етъ въ вѣкъ вѣка·
4
Памѧть сътворилъ е҆сть чюде́съ свои́хъ·
5
Ми́лостивъ и҆ щедръ г҃ь, пи́щꙋ далъ е҆ст꙽ боѧ́щимсѧ е҆го·
6
Помѧне́тъ в꙽ вѣкъ завѣтъ свой, крѣпость дѣлъ своих̑ вѣзвѣстѝ лю́демъ свои҆мъ·
7
да́ти и҆мъ достоа́нїе ꙗ҆ѕыкъ, дѣ́ла рꙋкъ е҆го и҆стина и҆ сꙋдъ·
8
Вѣрны всѧ за́повѣди е҆го, ѹ҆тверже́ны въ вѣкъ вѣка, сътворены въ и҆стинѣ и҆ пра́вотѣ·
9
И҆збавленїе посла̀ лю́демъ свои́мъ·
10
Заповѣда в꙽ вѣкъ завѣт꙽ свой·
11
Ст҃о и҆ стра́шно и҆мѧ е҆го·
12
зача́ло премꙋ́дрости, страхъ гн҃ь. ра́зꙋмъ же бл҃гъ всѣмъ творѧщымъ его·
13
Хвала̀ е҆го пребыва́етъ въ вѣк꙽ вѣка·
Джерела
