Ostroh BibleКнига Псалмів, розділ 2
Шрифт:
Запис:
1
Въскꙋю шата́шасѧ ꙗ҆́зы́ци, и҆ лю́дїе поѹ҆чи́шасѧ тъще́тнымъ;
2
Пред̑ста́ша цр҃їе зем꙽стїи, и҆ кнѧ́ѕи събрашасѧ въкꙋпѣ, на г҃а и҆ на х҃а е҆го̀·
3
Растръгнемъ ѹ҆зы и҆хъ, и҆ ѿве́ржемъ ѿ насъ и҆́го и҆хъ·
4
Живы́и на́ нб҃сехъ посмѣе҆тсѧ и҆́мъ, и҆ г҃ь порꙋга́етсѧ и҆́мъ·
5
тогда̀ въз꙽гл҃етъ къ ни́мъ гнѣвомъ свои҆м꙽, и҆ ꙗ҆ростїю свое҆ю смꙋтитъ ѧ҆̀·
6
А҆́з꙽ же поста́вленъ е҆смь цр҃ь ѿ него̀, над̑ сиѡ́номъ горꙋ ст҃ꙋю его̀, възвѣща́ѧ повелѣнїе гн҃е·
7
г҃ь реч̑҇ къ мнѣ̀, сн҃ъ ми е҆си т̂ы, А҆́зъ дне́сь роди́хъ тѧ·
8
проси ѿ мене, и҆ да́мъ ти ꙗ҆́зы́ки достоѧ́нїе твоѐ,.
9
И҆ ѻ҆́держа́нїе твоѐ конца земли·
10
ѹ҆пасе́ши ѧ҆̀ па́лицею желѣзною, ꙗ҆́ко съсꙋды скꙋде́льничѧ съкрꙋши́ши ѧ҆̀·
11
И҆ нн҃ѣ цр҃їе разꙋмѣйте, накажитесѧ вси сꙋдѧщеѝ землѝ·
12
Рабо́таи҆те гв҃и съ стра́хомъ, и҆ ра́дꙋитесѧ е҆мꙋ съ трепетомъ·
13
Прїимѣте наказа́нїе, да не когда̀ прогнѣвае҆тсѧ г҃ь, и҆ поги́бнете ѿ пꙋти пра́вед̑наг̑҇·
14
е҆гда̀ възгори́тсѧ въско́рѣ ꙗ҆́рость ег̑҇·
15
бл҃же́ни въси надѣющеѝсѧ на́нь·
Джерела
