Ostroh BibleКнига Псалмів, розділ 23
Шрифт:
Запис:
1
Гн҃ѧ е҆сть землѧ̀, и҆ и҆сполне́нїе еѧ̀. вселе́н꙽наѧ, и҆ вси живꙋщей на не́й·
2
то́й на́ морѣхъ ѻ҆снова́лъ ю҆̀ е҆сть, и҆ на рѣках̑ ѹ҆гото́валъ ю҆̀ е҆сть·
3
кто взыдетъ на́ горꙋ гн҃ю, и҆ли кто ста́нетъ на мѣ́стѣ ст҃ѣмъ е҆го; непови́ненъ рꙋка́ма и҆ чи́стъ срд̑цемъ, и҆же не прїѧ́тъ на сꙋ́е дш҃ꙋ свою̀, и҆ не клѧ́тсѧ ле́стїю и҆́скренемꙋ свое҆мꙋ·
4
се́и прїиметъ блс̑҇ве́нїе ѿ г҃а, и҆ млс̑҇тыню ѿ бг҃а сп҃са свое҆го·
5
сїи ро́дъ и҆́щꙋщих̑ г҃а, и҆́щꙋщих̑ лице бг҃а і҆а́ковлѧ·
6
Възмѣте врата кнѧ́ѕи ваша, и҆ възмѣтесѧ вра́та вѣ́чнаѧ, и҆ вни́дет̑ цр҃ь славы·
7
кто е҆сть се́и цр҃ь сла́вы; г҃ь крѣпокъ и҆ си́ленъ, г҃ь си́ленъ въ бра́ни·
8
Възмѣте врата̀ кнѧѕи ва́ша, и҆ възмѣтесѧ врата вѣ́чнаа, и҆ вни́детъ цр҃ь сла́вы·
9
кто е҆́сть се́и цр҃ь сла́вы; г҃ь си́лам̑, то́и е҆́сть цр҃ь славы·
Джерела
