Ostroh BibleКнига Псалмів, розділ 40
Шрифт:
Запис:
1
Блаже́нъ разꙋмѣва́ай на ни́ща и҆ ѹ҆бо́га, в꙽ дн҃ь лютъ и҆збавитъ и҆̀ г҃ь·
2
г҃ь съхранит̑ и҆̀, и҆ живитъ и҆̀, и҆ ѹ҆блажит̑ и҆̀ на землѝ, и҆ не преда́стъ е҆го в рꙋкы врагомъ е҆го·
3
г҃ь помо́жет̑ е҆мꙋ на ѻ҆дрѣ болѣзни е҆го, все ло́же е҆го ѻ҆братилъ е҆си в болѣзни е҆го·
4
а҆зъ рѣхъ, г҃и поми́лꙋй мѧ, и҆сцѣлѝ дш҃ꙋ мою, ꙗ҆́ко съгрѣших̑ ти·
5
враѕи моѝ рѣша мнѣ зла́а, когда̀ ѹ҆мретъ и҆ поги́бнетъ и҆мѧ е҆го; и҆ вхождаше ви́дѣти, всꙋ́е гл҃аше срд̑це е҆го. събра̀ безако́нїе е҆мꙋ, и҆схождааше вонъ, и҆ гл҃аше в꙽кꙋ́пѣ·
6
На́ мѧ шепта́хꙋ вс̂и вра́ѕи моѝ, на́ мѧ помышлѧ́хꙋ зла́ѧ мн̂ѣ·
7
сло́во зако́нопрестꙋпно въъзложиша на́ мѧ, е҆да̀ спѧѝ не приложитъ въскрс̑҇нꙋти; и҆бо чл҃къ ми́ра моего наньже ѹ҆повах꙽, ꙗ҆́дыи хлѣбы моа, възвеличи на́ мѧ пѧ́тꙋ·
8
ты же г҃и поми́лꙋй м̂ѧ и҆ въздви́гни мѧ, и҆ въздамъ и҆м꙽·
9
ѻ҆ семъ познах̑ ꙗ҆́ко въсхотѣ мѧ, ꙗ҆́ко не възрадꙋ́етсѧ враг̑҇ мой ѻ҆ мн̂ѣ·
10
Мене же за незло́бїе приѧ́тъ, и҆ ѹ҆тверди́л꙽ мѧ е҆си пред̑ собо́ю в꙽ вѣкъ·
11
Блгс̑҇ве́нъ г҃ь бг҃ъ і҆ил҃евъ, ѿ вѣка и҆ до́ вѣка. бꙋ́детъ бꙋ́дет꙽·
Джерела
