Книга Псалмів
Ostroh BibleКнига Псалмів, розділ 46
Шрифт:
Запис:
1
Вси ꙗ҆зы́цы въсплеща́те рꙋка́ми, въскли́кнѣте бг҃ꙋ гла́сомъ ра́дости. ꙗ҆́ко г҃ь вы́ш꙽нїи, стра́шенъ, цр҃ь ве́леи по всеи зем̑лѝ, покори люд̑и̑ нам̑, и҆ ꙗ҆зы́кы под̑ ногы на́шѧ·
2
и҆збра на́м꙽ достоа́нїе свое, добро́тꙋ і҆а́ковлю ю҆̀же възлюбѝ·
3
в꙽зы́де б҃ъ в꙽ въскликнове́нїи, г҃ь въ гла́сѣ трꙋ́бнѣ·
4
по́йте б҃ꙋ на́шемꙋ, по́ите. по́ите цр҃е́ви на́шемꙋ, по́ите·
5
ꙗ҆́ко цр҃ь всей зем̑ли б҃ъ, по́ите разꙋ́мно·
6
Въц҃ри́сѧ б҃ъ над̑ ꙗ҆́зы́кы, б҃ъ сѣди́тъ на престо́лѣ ст҃ѣм꙽ свое҆мъ·
7
Кн҃ѕи люд̑стїи събра́шасѧ съ бм҃ъ а҆враа́млем꙽, ꙗ҆́ко бж҃їи держа́внїи земли ѕѣло̀ възнесо́шасѧ·
Джерела
