Ostroh BibleКнига Псалмів, розділ 56
Шрифт:
Запис:
1
Поми́лꙋи м̂ѧ бж҃е, поми́лꙋй м̂ѧ, ꙗ҆́ко на тѧ ѹ҆пова̀ дш҃а моа̀·
2
И҆ на сѣнь крилꙋ твоею̀ надѣ́юсѧ, до́ндеже прейдет̑ безако́нїе·
3
Въз꙽зовꙋ к꙽ б҃ꙋ вы́шнемꙋ, б҃ꙋ бл҃годѣ́авшемꙋ мнѣ·
4
Посла̀ съ нб҃се, и҆ сп҃сѐ м̂ѧ, дастъ в꙽ поношенїе попира́ющаѧ м̂ѧ·
5
Посла бг҃ъ млс̑҇ть свою̀, и҆ і́стинꙋ свою, и҆ и҆зѧт̑ дш҃ꙋ мою ѿ среды̀ скѷменъ, поспах̑ смꙋщенъ·
6
Сн҃ве члчс̑҇тїи, зѹ́бы и҆хъ ѻ҆рꙋжїѧ и҆ срѣ́лы, ꙗ҆зы́къ и҆хъ мечъ ѻ҆́стръ·
7
Възнеси́сѧ на нб҃са б҃е, и҆ по всей землѝ сла́ва твоѧ·
8
Сѣть ѹ҆гото́вашѧ ногамъ мои́мъ, и҆ смири́шѧ дш҃ꙋ мою·
9
И҆скопа́ша прд̑е лицем̑ мои́мъ ꙗ҆́мꙋ, и҆ впадо́шасѧ в н̂ю·
10
Гото́во срд̑це мое б҃е, гото́во срд̑це моѐ·
11
пою̀, и҆ въспою̀ в꙽ сла́вѣ мое́и·
12
Въста́ни сла́ва моа̀, въста́ни ѱалты́рю и҆ гꙋсли, в꙽ста́нꙋ ра́но·
13
И҆сповѣмсѧ тебѣ в꙽ лю́дех꙽ г҃и, пою̀ тебѣ въ ꙗ҆́ѕы́цех̑·
14
Ꙗ҆́ко възвели́чисѧ до нб҃съ, млс̑҇ть твоа, и҆ да́же до ѻ́блакъ и҆стинна твоа·
15
Възнеси́сѧ на нб҃са бж҃е, и҆ по всеи землѝ сла́ва твоа̀·
Джерела
