Книга Псалмів
Ostroh BibleКнига Псалмів, розділ 60
Шрифт:
Запис:
1
Ѹ҆слы́ши бж҃е моле́нїе мое, вонмѝ мл҃твѣ мое́й·
2
ѿ коне́цъ землѧ, к тебѣ въз꙽вахъ, е҆гда ѹ҆ны̀ срд̑це мое, на ка́мень възнесѐ м̂ѧ·
3
Наста́вилъ м̂ѧ е҆си, ꙗ҆́ко бысть ѹ҆пова́нїе мое, сто́лпъ крѣпости ѿ лица̀ вражїѧ·
4
Вселюсѧ в꙽ жили́щи твое҆м꙽ в вѣкъ, покры́юсѧ въ кровѣ крилъ твои҆хъ·
5
ꙗ҆́ко т̂ы б҃е ѹ҆слы́ша мл҃итвы моѧ, далъ е҆си достоа́нїе боѧ́щїмсѧ и́мени твое҆го·
6
Дн҃ь ѿ дн҃е цр҃е́ви приложи́ши, лѣта его до́ дне ро́да и҆ ро́да·
7
Пребыва́етъ в꙽ вѣкъ прд̑е бг҃ом̑. млс̑҇ть и҆ і́стинꙋ е҆го кт̂о в꙽зы́щетъ; та́ко пою и́мени твое҆мꙋ въ вѣкы, въздати м̂и мл҃твы моа̀ дн҃ь дн҃е·
Джерела
