Ostroh BibleКнига Псалмів, розділ 75
Шрифт:
Запис:
1
Вѣдомъ въ і҆ю҆де́ѝ б҃ъ, въ і҆ил҃и велїе и́мѧ е҆го·
2
И҆ бысть в꙽ ми́рѣ мѣсто е҆го, и҆ жили́ще е҆го в сїѻ́нѣ·
3
Тꙋ съкрꙋши крѣпости лꙋкъ, щит̑, и҆ ѻ҆рꙋжїе и брань·
4
Просвѣща́еши т̂ы ди́вно ѿ го́ръ вѣчныхъ, смꙋти́шѧсѧ вс̂и неразꙋ́мнїи срд̑цемъ·
5
Ѹ҆снꙋшѧ сномъ свои́мъ, и҆ не ѻ҆брѣто́шѧ ничтоже, вс̂и мꙋжїе бога́тьства рꙋ́къ своих̑·
6
ѿ запрещенїѧ твоего б҃е і҆а́ковль, въздрѣма́шѧ всд̑ѣшеѝ на конѧ·
7
Ты̂ страшенъ е҆си, и҆ кто проти́вꙋ станетъ т̂и; ѿтолѣ гнѣвъ твой. с꙽ нб҃сѐ слы́шанъ сътворилъ е҆си сꙋдъ·
8
Землѧ̀ ѹ҆боасѧ и҆ ѹ҆молча, в꙽негда въстати на сд̑ꙋ б҃ꙋ, спс̑҇тѝ вс̂ѧ крот꙽кы́ѧ землѝ·
9
Ꙗ҆́ко помышленїе члчс̑҇ко и҆сповѣстьсѧ тебѣ, и҆ ѻ҆ста́нокъ помышленїѧ пра́зднꙋетъ т̂и·
10
Помоли́тесѧ и҆ въздади́те гв҃и б҃ꙋ на́шемꙋ, вс̂и и҆же ѻ҆́крестъ е҆го принест̑ꙋ дары страшно́мꙋ и҆ ѿе́млющемꙋ дꙋхы кн҃ѕемъ, страшномꙋ паче цр҃їи земныхъ·
Джерела
