Ostroh BibleКнига Псалмів, розділ 89
Шрифт:
Запис:
1
Ги҃ прибѣжище бысть нам꙽, в род̑ и҆ ро́дъ·
2
прежд̑е да́же горамъ не быти, и҆ създатисѧ земли и҆ вселе́ннѣй, и҆ ѿ вѣка и҆ до вѣка т̂ы е҆си·
3
Не възврати чл҃ка въ смире́нїе. и҆ ре́клъ е҆си, ѻ҆брати́тесѧ сн҃ове члчс̑҇тїи·
4
Ꙗ҆́ко ты́сѧща лѣтъ пред̑ ѻ҆чи́ма твои́ма г҃и, ꙗ҆́ко дн҃ь вчера́шнїи и҆же ми́мои́де, и҆ стра́жа нощнаа·
5
Ѹ҆ничиже́нїа и҆хъ е҆ще бꙋ́дꙋтъ·
6
Ѹ҆тро ꙗ҆́ко трава̀ ми́мои́детъ, ѹ҆тро процвѣте́тъ и҆ пре́идетъ, на вечеръ ѿпадетъ, ѻ҆жестѣ́етъ, и҆ і҆схнет̑·
7
Ꙗ҆́ко и҆счезо́хомъ гнѣвомъ твои́мъ, и҆ ꙗ҆́ростїю твоею смꙋти́хомсѧ·
8
Положилъ е҆си безако́нїа наша пред̑ собою, вѣкъ нашь в꙽ просвѣщенїе лица твоего·
9
Ꙗ҆́ко вс̂и дн҃їе наши ѻ҆скꙋдѣша, и҆ гнѣвомъ твои́мъ и҆зчеѕо́хомъ·
10
Лѣта нашѧ ꙗ҆́ко паѹ҆чи́на паѹ҆ча́хꙋсѧ, дн҃їе лѣтъ нашихъ в них̑ же сед̑мьдесѧтъ лѣтъ. а҆́ще же в си́лахъ, ѻ҆смъдесѧтъ лѣтъ. и҆ множае и҆х꙽ трꙋдъ и҆ болѣзнь·
11
Ꙗ҆́ко прїиде кротость на ны, и҆ нака́жемсѧ·
12
Кто̀ съвѣсть дръжа́вꙋ гнѣва твоего, и҆ ѿ страха твоего ꙗ҆́рость твою и҆зчестѝ; десни́цꙋ твою та́ко скажѝ м̂и, и҆ ѻ҆коаанныа срд̑цемъ в꙽ мꙋ́дрости·
13
ѻ҆брати г҃и доко́лѣ, и҆ ѹ҆моленъ бꙋ́ди на рабы̀ своѧ·
14
И҆спо́лнихомсѧ заѹ́тра млс̑҇ти твоѧ г҃и, и҆ възрадовахомсѧ и҆ възвеселихомсѧ·
15
Въ всѧ̀ дн҃и нашѧ възвеселихомсѧ, за дн̂и в꙽ нѧже смирилъ н̂ы е҆си, лѣта в нѧ́же видѣхомъ злаѧ·
16
И҆ призри на рабы̀ своѧ и на дѣ́ла твоѧ, и҆ наста́ви сн҃ы их̑·
17
И҆ бꙋ́ди свѣтлость г҃а б҃а на́шего на насъ, и҆ дѣ́ла рꙋкъ на́шихъ и҆справи на насъ, и҆ дѣло рꙋкъ наших꙽ и҆спра́ви·
Джерела
