Ostroh BibleКнига Псалмів, розділ 95
Шрифт:
Запис:
1
Въспо́ите гв҃и пѣснь новꙋ, въспо́ите гв҃и вс̂ѧ землѧ·
2
въспо́ите гв҃и, блс̑҇вите и́мѧ е҆го·
3
Бл҃говѣстите дн҃ь, ѿ дн҃е сп҃се́нїе бж҃їе·
4
Възвѣсти́те въ ꙗ҆ѕы́цехъ сла́вꙋ е҆го, въ всх̑ѣ лю́дехъ чюдеса е҆го·
5
Ꙗ҆́ко ве́леи г҃ь и҆ хва́ленъ ѕѣло, стра́шенъ е҆сть нд̑а всѣми бо́гы·
6
Ꙗ҆́ко вси бо́ѕи ꙗ҆зы́къ бѣ́сове, г҃ь же нб҃са сътвои·
7
И҆сповѣданїе и҆ красота прд̑е ни́мъ, ст҃ы́ни и҆ велелѣпїе въ ст҃и́лѣ е҆го·
8
Принесѣте гв҃и ѿч҃ьствїа ꙗ҆ѕыкъ, принесѣте гв҃и славꙋ и҆ честь·
9
принесѣте гв҃и сла́вꙋ и́мени е҆го·
10
Прїимѣте жрътвы, и҆ входи́те в꙽ дворы е҆го·
11
поклони́тесѧ гв҃и в꙽ дворѣ̀ ст҃емъ е҆го·
12
да подви́житсѧ ѿ лица̀ е҆го вс̂ѧ землѧ̀·
13
Рцѣте въ ꙗ҆ѕы́цехъ, ꙗ҆ко г҃ь въцр҃и́сѧ·
14
И҆бо и҆справи вселе́ннꙋю ꙗ҆же не под̑ви́житсѧ, сꙋдитъ лю́демъ пра́востїю·
15
да възвеселѧт̑сѧ нб҃са̀, и҆ радꙋетсѧ землѧ·
16
да подви́житсѧ мо́ре и҆ і҆сполненїе еа̀·
17
възрадꙋют̑сѧ полѧ и҆ вс̂ѧ ꙗ҆же на нихъ·
18
Тогда възрадꙋют̑сѧ вс̂ѧ дре́ва дꙋбравнаѧ, ѿ лица гн҃ѧ, ꙗ҆́ко грѧдетъ, ꙗ҆́ко грѧдетъ сꙋди́ти земли·
19
Сꙋдити вселеннѣй в꙽ правдꙋ, и҆ лю́демъ и҆стинною своею҆·
Джерела
