Ostroh BibleКнига Псалмів, розділ 98
Шрифт:
Запис:
1
Гь҃ въц҃ри́сѧ, да гнѣваютсѧ людїе·
2
Сѣдѧ́и на херꙋви́мѣ, да подви́житсѧ землѧ·
3
г҃ь в꙽ сїѻ́нѣ великъ, и҆ высокъ е҆сть нд̑а въсѣми люд̑ми·
4
да и҆сповѣдѧтсѧ и҆мени твое҆мꙋ вели́комꙋ·
5
ꙗ҆ко стра́шно и҆ ст҃о е҆сть, и҆ честь цр҃е́ва, сꙋдъ лю́бит̑·
6
Ты ѹ҆готова пра́вины̀, сꙋд꙽ и҆ правдꙋ въ і҆а́ковѣ т̂ы сътворѝ·
7
Възносите г҃а б҃а нашего, и҆ кла́нѧитесѧ пд̑оножїю но́гꙋ е҆го ꙗ҆ко ст҃ъ е҆сть·
8
Моѷсїи і҆ а҆а҆ро́нъ въ і҆ереѻ́х꙽ е҆го, и҆ самꙋилъ в призыва́ющих̑ и҆мѧ е҆го·
9
призыва́хꙋ г҃а, и҆ той послꙋшаше и҆хъ. в꙽ столпѣ̀ ѻ҆́блачнѣ гл҃аше к ним꙽·
10
Ꙗ́ко хранѧхꙋ свѣдѣнїа е҆го, и҆ повелѣнїа его ѧ҆же дастъ и҆мъ·
11
г҃и б҃е нашь т̂ы послꙋшаше и҆хъ. бж҃е т̂ы млс̑҇тивъ бываше и҆мъ, и҆ мща́ѧ на всѧ начина́нїа их̑·
12
Възноси́те г҃а б҃а нашего, и҆ покланѧйтесѧ в꙽ горѣ̀ ст҃ѣй е҆го, ꙗ҆ко ст҃ъ г҃ь б҃ъ нашь·
Джерела
