Ostroh Bible❧Книга пророка Захарії, розділ 13

1

Въ дн҃ь ѻ́нъ бꙋдетъ всѧ́ко мѣсто разверза́ѧсѧ до́мꙋ двд҃вꙋ и҆ живꙋщим̑ въ і҆ерс̑҇лі́ме въ подвиже́нїе и҆ въ раздѣле́нїе·

2

И҆ бꙋдетъ въ дн҃ь ѻ҆н꙽ гл҃етъ г҃ь саваѻ́ѳъ, потреблю̀ и҆мена̑ непрїѧзньныхъ телесъ ѿ землѧ̀, и҆ ктомꙋ не бꙋдет꙽ и҆мъ помѣне́нїе. и҆ лжа́ѧ прро̑҇ки, и҆ дꙋхъ нечи́стыи и҆змꙋ̀ ѿ землѧ̀·

3

И бꙋдетъ а҆ще проречетъ чл҃къ, и҆ речетъ к꙽ немꙋ ѿц҃ъ е҆го и҆ мт҃и е҆го рожд̑шаѧ е҆го не жи́въ бꙋдеши, ꙗ҆́ко л꙽жа гл҃а въ и҆мѧ гн҃е. и҆ запнете е҆мꙋ ѿц҃ъ е҆го и҆ мт҃и ег̑҇ е҆гда̀ прро̑҇чествовати начнетъ·

4

И҆ бꙋдетъ въ дн҃ь ѻ́нъ, постыдѧт̑сѧ прро̑҇цы ко́ждо ѿ видѣнїѧ е҆мꙋ не прро̑҇чествова́ти и҆мъ, и҆ ѻ҆блекꙋтсѧ въ кожꙋ срънинꙋ занѐ сълга́ша. и҆ рече́тъ, нѣсмь прро̑҇къ а҆зъ, ꙗ҆́ко чл҃къ дѣлаѧ́й зе́млю а҆зъ е҆смь, занѐ чл҃къ роди мѧ ѿ ю́ности моеѧ·

5

И҆ рекꙋтъ к не́мꙋ, чт̂о ꙗ҆́зва с̂и посредѣ рꙋкꙋ твое́ю. и҆ рече, е҆же прободо́ша м̂ѧ въ домꙋ възлю́блен꙽нѣм꙽ м̂и·

6

ѻ҆рꙋжїе въста́ни на па́стырѧ мое҆го, и҆ на мꙋжа ѿ колѣна мое҆го, гл҃етъ г҃ь вседръжи́тель. поражꙋ̀ па́стырѧ, и҆ разы́идꙋтсѧ ѻ́вца. и҆ ѻ҆бращꙋ рꙋкꙋ мою на малы́ѧ па́стырѧ·

7

И҆ бꙋдетъ въ дн҃ь ѻ́нъ на всю̀ зе́млю, гл҃етъ г҃ь, дв̂ѣ е҆ѧ ча́сти потребите́сѧ и҆ ѹ҆ги́блете, а҆ третїа ѻ҆ста́нетъ на не́и. и҆ проведꙋ третїю ча́сть с꙽квозѣ ѻ́гнь, и҆ раздегꙋ ѧ҆̀ ꙗ҆́коже раждиза́етсѧ сребро̀, і҆ и҆скꙋшꙋ ѧ҆̀ ꙗ҆́коже и҆скꙋша́етсѧ зла́то. то́и призоветъ и́мѧ мое, и҆ а҆зъ ѹ҆слы́шꙋ и҆̀, и҆ рекꙋ, лю́дїе моѝ с̂и сꙋть. и҆ тїи рекꙋтъ г҃ь б҃ъ мо́и·