Ostroh Bible❧Третя книга Ездри, розділ 11

1

И ви́дѣхъ со́нъ и҆ с̂е въсхожа́ше ѿ мо́рѧ ѻ҆релъ е҆мꙋже бѧ́хꙋ, в҃і, кри́лъ пернатых̑ и҆ главы̀ тр̂и·

2

И҆ ви́дѣхъ и҆ с̂е простира́ше кри́лѣ своѝ на все́и землѝ, и҆ вс̂и вѣтри нбс̑҇нїи надыхахꙋ в него̀ и҆ собира́хꙋсѧ·

3

И҆ ви́дѣхъ и҆ ѿ пе́рїѧ е҆го родѧхꙋсѧ сꙋпротивъ перїе, и҆ тїи сътворѧ́хꙋ в пер꙽натыхъ дро́бныхъ и҆ малых̑, і҆ и҆же гла́вы его бѧ́ше поко́ини, и҆ сред̑нѧѧ глава̀ бы́сть бо́лши и҆́нѣхъ гла́въ, н̂о та̀ покоѧ́шесѧ с ни́ми·

4

И҆ ви́дх̑ѣ и҆ се̂ ѻ҆релъ летѧ́ше на пѣрїи свое҆мъ. и҆ црс̑҇твова на́ земли, и҆ на живꙋщих̑ на не́и. и҆ ви́дѣхъ ꙗ҆́ко повиновена е҆мꙋ бысть всѧ под̑нбс̑҇аѧ. и҆ никто е҆мꙋ противлѧ́шесѧ. ни е҆дин̑҇ ѿ твари и҆же е҆сть на́ земли·

5

И҆ ви́дѣхъ и҆ с̂е воста̀ ѻ҆релъ на но́кти своѝ, и҆ пꙋсти гла́съ перїемъ свои҆мъ гл҃ющи. не хо́щите всѝ вкꙋпѣ бди́ти, спѣте е҆ді́нъ ко́ждоже въ мѣстѣ свое҆мъ и҆ по времѧ бди́те. главы́ же по́слѣ да съхранѧт̑сѧ·

6

И҆ ви́дѣхъ, и҆ с̂е глас̑҇ не и҆схожд̑а́ше ѿ главы̀ е҆го, н̂о ѿ среды тѣла е҆го, и҆ чтохъ проти́внїи перїа е҆го и҆ сихъ бѧ́ше ѻ҆́смь·

7

И҆ ви́дѣх꙽ и҆ с̂е ѻ҆деснꙋю странꙋ̀ воста е҆ді́но перо и҆ црс̑҇твова на все́и землѝ·

8

И҆ бысть е҆гда̀ црс̑҇твова́ше прїидетъ е҆мꙋ конец̑҇ и҆ не ꙗ҆ви́сѧ мѣсто е҆го, і҆ и́но воста̀, и҆ црс̑҇твова́ше, то́и мно́го дръжа вре́мѧ. и҆ бысть е҆гда̀ црс̑҇твова́ше и҆ грѧдѧ́ше конецъ е҆го. да не ꙗ҆ви́тсѧ ꙗ҆́ко прь́выи. и҆ с̂е гла́съ ѿпꙋщенъ томꙋ̀ гл҃ющи·

9

Слы́шите и҆же толи́ко вре́мѧ дръжа́лъ е҆си зе́млю. сїѧ завѣща́ю тебѣ̀ пре́же нежѐ начне́ши не ꙗ҆ви́тисѧ, нѣкт̂о по тебѣ въздер̑҇жи́тъ времѧ твоѐ н̂о ни по́лъ е҆го. и҆ въздвижесѧ тре́тїи дръжа́ти кнѧ́ѕьство ꙗ҆́ко и҆ прь́выи и҆ не ꙗ҆ви́сѧ и҆ то́и·

10

И҆ та́ко слꙋча́шесѧ и҆ всѣхъ и҆́нѣхъ и҆ е҆ді́нымъ кнѧ́ѕьство носи́ти, и҆ паки никогда̀ ꙗ҆ви́тисѧ, и҆ ви́дѣхъ и҆ с̂е въ вре́мѧ сѣдѧ́щи пе́рїѧ въздвига́хꙋсѧ ѻ҆де́снꙋю странꙋ̀ да дръжат̑ и҆ тїи кнѧ́ѕьство, и҆ ѿ тх̑ѣ бы́ша и҆же дръжа́хꙋ, н̂о ско́ро не ꙗ҆влѧ́хꙋсѧ. и҆же и҆ нѣкоторїи ѿ ни́хъ воздвига́хꙋсѧ н̂о не дръжахꙋ кнѧ́зьства·

11

И ви́дѣхъ посе́мъ, и҆ с̂е не ꙗ҆ви́шасѧ, в҃і, кри́лъ, и҆ дв̂а кри́лѣта. и ничто̀ бѧ́ше ѻ҆ста́ло въ тѣлѣ ѻ҆рлѝ токмо дв̂ѣ главѣ̀ поко́юща и҆ ше́сть крилати·

12

И҆ ви́дѣхъ и҆ с̂е ше́сть перна́тыхъ раздѣле́ни сꙋть дво́е. и҆ пребы́ша под̑ главо́ю чт̂о е҆сть на де́снѣи странѣ̀. и҆же четы́ре пребыва́ше въ мѣ́стѣ свое҆мъ·

13

И҆ ви́дѣхъ и҆ с̂е сїѧ под̑кри́лїа мышлѧхꙋ възд̑вигнꙋти и҆ дръжа́ти кнѧз̑ство.

14

И҆ ви́дѣхъ и҆ с̂е е҆ді́на въздви́жена ес̑҇ н̂о ско́ро не ꙗ҆ви́сѧ. и҆ вто́рыѧ скорѣ́ише неже пр́ьвїи не ꙗ҆ви́шасѧ·

15

И҆ ви́дѣхъ и҆ с̂е дв̂а и҆же свы́ше къ себѣ са́ми помышлѧ́хꙋ и҆ тїѝ црс̑҇твова́ти. и҆ в нем̑ е҆гд̑а помышлѧ́хꙋ с̂е е҆ді́нъ покоющꙋ главꙋ̀, и҆же бысть сред̑нїи и҆ въз꙽бнѧ́ше. сїѧ б̂о бысть двѣма главам̑ бо́льшаѧ·

16

И҆ ви́дѣхъ ꙗ҆ко съвръше́ны сꙋть дв̂ѣ главы̀ съ собо́ю, и҆ с̂е ѿвраще́на е҆сть глава̀ с тѣми и҆же с не́ю бѧхꙋ. и҆ снѣдь дв̂ѣ под̑крилѧта и҆же помышлѧхꙋ црс̑҇твова́ти·

17

Сїѧ же глава̀ ѹ҆страши вс̂ю зе́млю, и҆ владѧ́ше на не́и тѣмъ и҆же ѻ҆бладают̑ землю съ трꙋ́достїю мно́гою. и҆ си́л꙽ныхъ дръжа̀ селенїѧ зем꙽скаѧ на всѣхъ крилх̑ѣ и҆же бы́ша·

18

И҆ ви́дѣх꙽ посемъ, и҆ с̂е пол̑҇ главы̀ ско́ро не ꙗ҆́ви́сѧ и҆ т̂о ꙗ҆́ко кри́лѣ. ѿлꙋчи́ша же сѧ дв̂ѣ главы̀ и҆же и҆ т̂ѣ та́коже црс̑҇твова́ша̑ на́ земли и҆ на ни́хъ и҆же ѻ҆бита́ютъ в не́мъ·

19

И҆ ви́дѣхъ и҆ с̂е пожрѐ главꙋ̀ ѻ҆деснꙋю странꙋ̀ и҆же ѻ҆шꙋ́юю·

20

И҆ слы́шахъ глас̑҇ гл҃ющъ м̂и. зрѝ проти́въ тебѐ. и҆ знаменаи чт̂о ѹ҆́зриши·

21

И҆ ви́дѣхъ и҆ с̂е ꙗ҆ко левъ прогнѣ́ванъ ѿ лѣ́са ры́щꙋщъ. и҆ ви́дѣхъ ꙗ҆́ко посыла́ше гла́съ члчс̑҇кїи къ ѻ҆рлꙋ рекꙋщи·

22

Слы́ши т̂ы и҆ гл҃ю тебѣ, и҆ речет̑ вы́шнїи тебѣ. н̂и ли ты е҆си и҆же на и҆звышилъ ѿ четы́рех̑ животныхъ и҆же сътворих̑. црс̑҇твова́ти въ вѣцѣ мое҆мъ. и҆ да по них̑ прїидетъ конецъ вѣка их̑·

23

И҆ четвер̑҇тыи грѧдꙋщи побѣди́лъ всѧ̀ живо́тнаѧ и҆же прїидо́ша. и҆ си́лою дръжал̑҇ вѣкъ съ трепетомъ мно́гимъ, и҆ вс̂ю вселеннꙋю съ трꙋ́достїю стропти́во всели́лсѧ толи́кимъ вре́менемъ селенїи зем꙽скихъ с лестїю·

24

И҆ сꙋди́лъ е҆си зе́млю не съ и́стинною. смꙋтил̑҇ б̂о е҆си кро́т꙽кихъ. и҆ възразилъ е҆си поко́ющихъ. и҆ възлюбилъ ло́жных꙽ и҆ разорилъ е҆си жили́ща и҆хъ и҆же плодѧ́хꙋ. и҆ смири́лъ е҆си стѣны их̑ и҆же тебѐ не побѣди́ша·

25

И҆ възыидетъ ѹ҆коре́нїе твое к вы́шнемꙋ, и҆ гордынѧ твоа̀ къ крѣпкомꙋ. и҆ възрѣ вы́шнїи го́рдаѧ времена̀. и҆ с̂е сконча́на сꙋть, и҆ безако́нїѧ е҆го съвръше́на сꙋть·

26

Сего ради не ꙗ҆ви́сѧ т̂ы ѻ҆рел̑҇ и҆ кри́лѣ твоѝ гро́зныѧ, и҆ крилѧ́та твоа̀ стропти́выѧ и҆ гла́вы твоа лꙋкавыа, и҆ нокти твоа строптивыѧ, и҆ вс̂е тѣло твоѐ сꙋе́тное дабы сѧ прохлади́ла вс̂ѧ землѧ̀, и҆ ѻ҆братиласѧ свобод̑на ѿ твое́ѧ си́лы. и҆ ѹ҆повает̑ сꙋдїи млс̑҇рдїю е҆го и҆же сътвори е́й·