Ostroh BibleП'ята книга Мойсеєва: Повторення Закону, розділ 23
Шрифт:
Запис:
1
Да не въхо́дитъ ка́женикъ. и҆ скопе́цъ. въ со́нмъ гн҃ь·
2
Ни́же да въни́детъ блꙋдород̑ныи въ со́нмъ гн҃ь до десѧ́таго племе́ни·
3
да не вни́детъ а҆монити́нъ, и҆ моа҆ви́тин̑҇ въ со́нмъ гн҃ь. и҆ десѧ́таго племе́ни да не в꙽хо́дит̑ въ храм̑ гн҃ь да́ждь и҆ до вѣка·
4
Поне́же не срѣто́ша ѻ҆ни васъ съ хлѣбы и҆ водо́ю на пꙋтѝ, и҆сходѧ́щимъ вамъ и҆з꙽ землѧ̀ е҆гѷпет̑ски·
5
И҆ к семꙋ̀ наѧ́ша на́ тѧ валаа́ма сн҃а веѻ҆́рова, ѿ средорѣ́чїа да т̂ѧ проклене́тъ·
6
И҆ не въсхотѣ̀ г҃ь б҃ъ твои, слы́шати валаа́ма, и҆ възвратѝ г҃ь б҃ъ тво́и клѧ́твы въ блс̑҇ве́нїе, ꙗ҆ко възлюбѝ т̂ѧ г҃ь б҃ъ твои·
7
да не съвѣща́еши ми́ра къ ни́мъ и҆ поспѣшнаго и҆мъ не да́и вс̂ѧ дн҃и въ вѣ́ки·
8
да не гнꙋша́ешисѧ и҆дꙋмѣ́аниномъ, ꙗ҆́ко брат̑ твой е҆сть да не гнꙋша́ешисѧ е҆гѷптѧ́нина, ꙗ҆́ко ѻ҆бита́лецъ бы́лъ е҆си въ землѝ и҆хъ·
9
Сн҃ове а҆́ще родѧ́тсѧ и҆мъ племѧ̀ тре́тїе да въни́детъ въ со́нмъ гн҃ь·
10
А҆ще же и҆зы́деши въполчи́тисѧ на врагѝ твоа да сѧ снабди́ши ѿ всего̀ ѕл̂а сло́ва·
11
И҆ а́ще бꙋдетъ въ тебѣ̀ чл҃къ нечи́стъ ѿ и҆злїѧ́нїѧ но́щїю, да и҆зы́детъ вн̂ѣ по́лчища и҆ да не въхо́дитъ въ по́лчище. и е҆гда̀ бꙋдетъ къ ве́черꙋ, и҆ да ѻ҆мы́етъ тѣло своѐ водо́ю, и҆ ꙗ҆ко за́идетъ сл҃нце да въни́детъ въ пол̑҇чище·
12
И҆ мѣсто тебѣ̀ да бꙋдетъ вн̂ѣ по́лчища, и҆ да и҆зы́деши та́мо во́нъ·
13
Рыле́цъ же да бꙋ́детъ за́ поѧ҆сомъ твои҆мъ, и҆ бꙋдетъ е҆гда̀ сѧ́деши вн̂ѣ, да въскопа́еши и҆мъ ꙗ҆мꙋ и҆ посе́мъ наврати́въ да покры́е҆ши стыдѣнїе свое в не́и. ꙗ҆́ко г҃ь б҃ъ твои прехо́дитъ въ по́лчищи твоем̑. и҆збавлѧ́ти т̂ѧ, и҆ преда́ти врагѝ твоѧ̀, въ рꙋцѣ твоѝ пред̑ лицемъ твои҆мъ и҆ да бꙋ́детъ по́лчище твое ст҃о, и҆ да не ꙗ҆ви́тсѧ ѹ҆ тебе стыдѣ́нїѧ ве́щъ, и҆ ѿврати́тсѧ ѿ тебѐ. да не предасѝ раба̀ гн҃ꙋ е҆го, и҆же прїидетъ къ тебѣ ѿ гн҃а свое҆го·
14
С тобо́ю да всели́тсѧ въ всемъ мѣстѣ и҆дѣже го́дѣ бꙋдет꙽ е҆мꙋ, да не стꙋжи́ши е҆го. и҆ да не бꙋдет̑ блꙋ́дница ѿ дще́реи і҆и҆л҃въ, и҆ да не бꙋдет꙽ блꙋдѧ́щихъ ѿ сн҃овъ і҆и҆л҃въ·
15
да не дасѝ м꙽зды̀ блꙋдницы, ниже и҆змене́нїѧ ѱа̀ въ до́мъ г҃а б҃а твое҆го въ всѧ́кꙋ мл҃твꙋ ꙗ҆́ко гнꙋше́нїе сꙋть гв҃и б҃ꙋ твое҆мꙋ ѻ҆боѧ̀·
16
да не расти́ши бра́тꙋ твое҆мꙋ ли́хвы сребре́ныѧ и҆ ли́хвы пи́щныѧ и҆ ли́хвы всѧ́кїѧ ве́щи е҆мꙋже а҆ще в꙽ заи́мъ дасѝ·
17
Чю́ждемꙋ да расти́ши ли́хвꙋ, братꙋ же твое҆мꙋ да не расти́ши. да блс̑҇вит̑ тѧ̀ г҃ь б҃ъ тво́и въ всѣхъ дѣлехъ твоих̑ въ землѝ в ню́же и҆́деши та́мо приѧ҆́ти еѧ̀·
18
А҆́ще же ѻ҆бѣща́еши ѻ҆беща́нїе гв҃и б҃ꙋ твое҆мꙋ. да не ѹ҆ме́длиши възда́ти е҆го, ꙗ҆́ко възыща̀ възы́щетъ г҃ь б҃ъ тво́и ѿ тебѐ, и҆ бꙋдетъ на тебѣ грѣ́хъ·
19
А҆́ще л̂и не хо́щеши ѻ҆бѣща́тисѧ нѣ́сть т̂и грѣха̀·
20
И҆сходѧ́щаѧ и҆зъ ѹ́стъ твои҆хъ снабдѝ и҆ сътворѝ. и҆м꙽же ѻ҆́бразомъ ѻ҆беща̀ гв҃и б҃ꙋ твое҆мꙋ дар̑҇ е҆же е҆си гл҃алъ ѹ҆стна́ми твои҆ми·
21
А҆́ще вни́деши на ни́вꙋ по́дрꙋга свое҆го и҆ да събере́ши в рꙋцѣ своѝ кла́сы, а҆ се́рпа не задѣи на ни́вꙋ по́дрꙋга своего. а҆ще въни́деши въ виноград̑ по́дрꙋга свое҆го да зо́блеши вино̀, е҆ли́ко насыти́ши дш҃ꙋ свою, а҆ въ сосꙋдъ не вложи́ши·
Джерела
