Ostroh Bible❧Перша книга Мойсеєва: Буття, розділ 36

1

Сїи҆̀ бытїа і҆савлѧ̀, сїй е҆сть е҆домъ, і҆сав же поѧ̀ себѣ жены̀ ѿ дще́рїи ханаа́ньскъ, а҆дꙋ дщерь е҆ло́ню хет꙽теи, ѻ҆ливамꙋ дще́рь а҆на́ню. сн҃а севего́нѧ е҆ві́ю, и҆ васемаѳꙋ, дще́рь и҆змаи́лю сестрꙋ̀ навеѻ́ѳовꙋ.

2

Роди же а҆да. і҆савꙋ, е҆лифаса, и҆ васемаф̑҇·

3

Родѝ рагꙋ́илѧ и҆ ѻ҆ливе́ма родѝ и҆ѹ҆са, и҆ е҆гло́мъ, и҆ кореѧ̀, сїи҆̀ сн҃ове и҆савли е҆же быша е҆мꙋ въ землѝ ханаа́ньстѣи·

4

Поѧ́ же і҆са́въ жены̀ своѧ̀, и҆ сн҃ы своа и҆ дще́ри своѝ и҆ вс̂е съпрѧ́танїе до́мꙋ свое҆го, и҆ вс̂е и҆мѣнїе и҆ ве́сь скот̑, и҆ вс̂е ꙗ҆́же притѧжа, и҆ вс̂е е҆же сътвори въ землѝ ханаан̑҇стѣи и҆ ѿи́де съ землѧ̀ ханаан̑҇скыѧ. ѿ лица і҆а́ковлѧ брата свое҆го·

5

Бѧ́ше б̂о и҆мѣнїе и҆хъ мно́го, и҆ не бѧше лз̂ѣ жити и҆́ма вкꙋ́пѣ, не можаше б̂о землѧ̀ ѻ҆би́телнаа въмѣсти́ти и҆хъ ѿ мно́жества, и҆мѣнїѧ и҆хъ ѹсели́ же сѧ і҆са́въ на горѣ̀ си́ръ. се́й е҆сть і҆са́въ е҆до́мъ. сїй е҆сть роже́нїѧ і҆са́влѧ, ѿц҃а е҆домлѧ̀, на горѣ си́ръ·

6

Сїи҆̀ же и҆́мена сн҃овъ і҆са́влих̑. е҆лифасъ, сн҃ъ а҆ды, жены̀ і҆савлѧ̀ и҆ рагꙋ́иль сн҃ъ васемаѳъ жены̀ і҆са́влѧ·

7

Бы́ша же сн҃ове е҆лифасꙋ, ѳема́нъ, ѻ҆ма́нъ, софа́ръ, гоѳо́мъ, и҆ кене́зъ, ѳа́мна же бѧ́ше зало́жница, елифа́са сн҃а і҆са́влѧ, роди́ же е҆лифасъ амали́ка, сїи҆̀ сꙋть сн҃ове, а҆ды жены̀ і҆са́влѧ·

8

А҆ сїи҆̀ сꙋт꙽ сн҃ове рагꙋи́левы, нахо́ѳъ, заре, со́ме, и҆ мозе́и. сїи҆̀ бѣша сн҃ове васема́ѳи жены̀ і҆са́влѧ̀·

9

А҆ сїѝ быша сн҃ове е҆ливе́маши дще́ри а҆нанѧ, сн҃а севего́нѧ жены̀ і҆савлѧ. роди́ же і҆са́вꙋ е҆ѹ́са, и҆ е҆гло́ма и҆ ко́реѧ сїи҆̀ сн҃ове старѣ́ишины сн҃ове і҆са́вли сн҃ове е҆лифа́си·

10

Пръвене́цъ і҆са́вль старѣ́ишина, ѳеман꙽, старѣ́ишина, ѻ҆вмаръ. старѣ́ишина, соѳаръ. старѣ́ишина, кенез̑, старѣ́ишина, ко́реи. старѣ́ишина гоѳомъ. старѣ́ишина, а҆мали́къ. сїи҆̀ старѣ́ишины е҆лифаса, въ землѝ и҆дꙋмеи́стѣ·

11

Сїи҆̀ сн҃ове а҆да́сы, а҆ сїи҆̀ сн҃ове рагꙋ́или. сн҃а і҆са́влѧ. старѣ́ишина, нахо́ѳъ. старѣ́ишина, за́ре. старѣ́ишина, со́ме. старѣ́ишина, мо́зе сїи҆̀, старѣ́ишины, рагꙋ́илевы, в землѝ е҆до́мъ. сїи҆̀ сн҃ове, а҆васема́ѳы жены̀ и҆са́влѧ·

12

Сїи҆̀ сн҃ове, ѻ҆ливемасы жоны̀ і҆са́влѧ старѣ́ишина е҆ѹ́съ. старѣ́ишина е҆гло́мъ. старѣ́ишина ко́реи, сїѝ же старѣ́ишины, ѻ҆ливемаши дще́ри а҆на́на жены̀ и҆са́влѧ̀, сїи҆̀ сꙋт́ь сн҃ве и҆са́вли и҆ с̂и старѣ́ишины и҆хъ, с̂и ст̑ꙋ сн҃ове е҆до́мли·

13

А҆ сїи҆̀ сꙋт́ь сн҃ове си́ръ хорреѻ҆вы е҆же жи́ша в землѝ е҆до́мли. лота́нъ, съва́лъ севего́нъ, а҆́на, и҆ дисо́нъ, и҆ а҆са́ръ, и҆ рисо́нъ. с̂и ст̑ꙋ сн҃ове старѣ́ишїи хорре́ѻвы, сн҃а си́р꙽ в землѝ е҆до́мъ·

14

Бы́ша же сн҃ове лота́ни, хо́рри, и҆ е҆ма́нъ, сестра́ же лота́нѧ ѳа́мна. а҆ сі́и же сн҃ове сава́ли, ѻ҆гло́мъ, и҆ мана́и, ха́ѳъ, и҆ геви́лъ, и҆ соѳа́рь, и҆ ѻ҆ма́нъ·

15

Сїи҆̀ сн҃ове севего́ни, га́їе, и҆ ѻ҆на́нъ, сїй е́сть и҆ ѻ҆на́нъ, и҆же ѻ҆брѣте і҆а҆ми́нъ в пꙋсты́ни е҆гда̀ пасѧ́ше волы̀ севего́нѧ ѿц҃а свое҆го·

16

Сі́и же сн҃ове а҆на́ни, дисо́нъ, и҆ ѻ҆ливе́ма, дщѝ а҆нанѧ. сїи҆̀ же сн҃ове дисо́нъ, а҆ма́да і҆ а҆зва́нъ, і҆ е҆сра́нъ, и҆ хар꙽ра́нъ·

17

Сїиж̑ сн҃ове а҆са́рь, вала́мъ, и҆ зꙋка́мъ, і҆ѻи҆ка́мъ, и҆ ѹ҆ка́мъ. а҆ сїи҆̀ сн҃ове, рисо́ни, ѻ҆́съ, и҆ а҆ра́нъ·

18

Сїи҆̀ же старѣ́ишины хор꙽ре́ѻвы, старѣ́ишина лота́нъ, старѣ́ишина, сово́ль, старѣ́ишина, севего́нъ, старѣ́ишина, а҆наа́нъ, старѣ́ишина дисон̑҇ старѣ́ишина а҆са́ръ, старѣ́ишина рисо́нъ, сїи҆̀ старѣ́ишины хор꙽ре́ѻвы въ ѻ҆́бласти и҆хъ, въ землѝ едо́мли·

19

Сїи҆̀ же цр҃и и҆же црс̑҇твова́ша въ е҆до́мѣ прѣжде црс̑҇твова́нїѧ ц҃рей въ і҆и҆л҃и, и҆ црс̑҇твова́ша въ е҆до́мѣ, валаа́къ, сн҃ъ веир̑҇, и҆мѧ же гра́дꙋ е҆го, деньна́ва·

20

Ѹ҆мре же валаа́къ, и҆ цр҃ь быс̑҇ по не́мъ, и҆ѻ҆ва́въ, сн҃ъ за́ринъ ѿ въсо́ры·

21

Ѹ҆мре́ же и҆ѻ҆ва́въ, и҆ цр҃ь, бы́сть по не́мъ, а҆со́мъ ѿ землѧ̀, ѳема́нонъ·

22

Ѹ҆мре же а҆со́мъ е҆же быс̑҇ съ ѳема́нонъ, и҆ ц҃рь бы́сть по не́мъ а҆да́дъ сн҃ъ вара́ждъ, и҆же и҆ссѣчѐ мадїа́ма на́ поли моа́вли, и҆́мѧ же градꙋ е҆го сетѳе́мъ·

23

Ѹ҆мре же а҆дад̑ и҆ ц҃рь бы́сть по немъ сама́да ѿ масекасъ·

24

Ѹ҆мре́ же сама́да, и҆ ц҃рь быс̑҇ по не́мъ, саѹ҆́лъ съ рогово́ѳъ е҆же е҆сть недале́че рѣкѝ·

25

Ѹ҆мре́ же саѹл̑҇ и҆ ц҃рь бысть по не́мъ, валае҆нонъ, сн҃ъ а҆хово́ръ. ѹ҆мре же валае҆нонъ, сн҃ъ а҆ховоръ, и҆ цр҃ь быс̑҇ по нем̑ а҆рѧд̑ сн҃ъ варѧ́дъ, и҆́мѧ градꙋ е҆го фого́ръ, и҆́мѧ женѣ̀ е҆го метевеи́лъ, а҆ дще́ри матраи́ѳъ сн҃а мезо́въ, сїи҆̀ и҆мена̀ стрѣ́ишинъ и҆са́вль, въ племене́хъ и҆хъ, и҆ въ се́лѣхъ и҆хъ, и҆ въ ꙗ҆́зы́цехъ и҆хъ. старѣ́ишина фра́мна, старѣ́ишина го́ла. старѣ́ишина е҆ѳа́ръ. старѣ́ишина ѻ҆ливема́съ. старѣ́ишина и҆ла́съ. старѣ́ишина фино́нъ. старѣ́ишина кене́зь. старѣ́ишина ѳема́н꙽. старѣ́ишина маза́ръ. старѣ́ишина мае҆ди́лъ, старѣ́ишина зафо́й·

26

Сїѧ̀ старѣ́ишины е҆до́млѝ, живꙋщ́їѝ в землѝ притѧжа́нїѧ и҆хъ, сїѝ і҆са́въ ѿц҃ъ е҆до́мль·

27

Ѹсели же сѧ і҆а́ковъ в землѝ и҆дѣж́е ѻ҆бита̀ і҆саа́къ ѿц҃ъ е҆го в землѝ ханаа́ни, с̂и бытїа̀ і҆а́ковлѧ·