Ostroh Bible❧Книга Йова, розділ 11

1

Ѿвѣща же софа́рь минѣ́искїи и҆ рече. гл҃ѧи мно́го и҆ ѹ҆слы́шитъ, и҆л̂и на ѹ҆мѣ и҆мѣа мѣни́тсѧ бы́ти пра́веденъ блс̑҇венъ рожде́ныи ѿ жены̀, и҆ малолѣтенъ. не мно́гъ словесы бꙋди, нѣсть б̂о и҆же ѿвѣща́ет꙽ ти, не гл҃и б̂о ꙗ҆́ко чи́стъ е҆смь дѣлы, и҆ бес поро́ка пред̑ нимъ. н̂о ꙗ҆́коже ѹ҆бо г҃ь възгл҃етъ к тебѣ̀, и҆ ѿврьзетъ ѹ҆стнѣ̀ своѝ с тобо́ю, пото́мъ възвѣстит̑ ти си́лꙋ премꙋдрости. ꙗ҆ко сꙋгꙋбъ бꙋдетъ противꙋ тебѐ·

2

И҆ тогда разꙋмѣ́еши, ꙗ҆́ко досто́ино ти сѧ събы́сть ѿ г҃а, и҆хже съгрѣшил̑҇ си. и҆л̂и слѣдъ гн҃ь ѻбрѧ́щеши, и҆л̂и въ послѣднѧѧ ѻ҆ста́ви ꙗ҆́же сътворѝ вседръжи́тель. высо́че нб҃о, и҆ чт̂о сътвори́ши, глꙋблеж̑ а҆́да чт̂о съвѣси, и҆л̂и дале мѣры зе́мныѧ, и҆ли ширины мо́рьскїѧ. а҆ще же раз꙽врати́тъ вс̂е, кт̂о речетъ е҆мꙋ чт̂о сътвори́лъ е҆си, то́и б̂о вѣсть дѣ́ла безаконникъ, ви́дѣвъ же нелѣ́паѧ не позритъ. чл҃къ же и҆́нако плавает̑ словесы̀, земны же рожд̑е́ны ѿ жены̀, ра́венъ ѻ҆слꙋ̀ пꙋсты́нномꙋ·

3

А҆ще б̂о ты̀ чи́сто положи́лъ е҆си срд̑це своѐ. въздѣжеши же рꙋцѣ своѝ к немꙋ̀, а҆ще чт̂о безако́нїе е҆сть в рꙋкꙋ твое҆ю далече сътвори ѿ себѐ, непра́вдаж̑ въ животѣ твое҆мъ да не в꙽селит̑сѧ·

4

Тако б̂о ти въсїѧ́етъ лице ꙗ҆́ко вода̀ чиста, съвлечеши же с̂и сквернꙋ и҆ не ѹ҆бои́шисѧ. и҆ трд̑ꙋ забꙋ́деши ꙗ҆ко волнꙋ̀ мимошед̑шꙋ, и҆ не ѹ҆страшишисѧ. моли́тва же т̂и а҆ки де́ньница, ѿ пладне же възыидетъ т̂и жи́знь·

5

Ѹ҆пова́ѧ же бꙋдеши ꙗ҆́ко бꙋ́дет̑ т̂и надежд̑а, ѿ тꙋги́ же и҆ ѿ промышленїѧ ꙗ҆́вит̑ ти сѧ ми́ръ·

6

Ѹ҆млъкнеши б̂о и҆ не бꙋдет̑ борѧ́и ти сѧ, преда́емїи же тебѣ̀, мно́го ти сѧ мо́лѧтъ·

7

Сп҃се́нїе же и҆хъ ѻ҆ста́нет̑, надежа бо ихъ пагꙋба. ѻ҆́чи же нечьстивыхъ и҆ста́етѣ·