Ostroh BibleКнига пророка Малахії, розділ 4
Шрифт:
Запис:
1
Ꙗко с̂е дн҃ь грѧдетъ горѧ̀ ꙗ҆́ко пе́щь и҆ попа́литъ ѧ҆̀. и҆ бꙋдꙋтъ вс̂и и҆ноплемен꙽ницы, и҆ вс̂и творѧ́щеи безако́нїѧ ꙗ҆́ко сте́блїе. и҆ вож꙽жеть ѧ҆̀ днь гн҃ь грѧды́и, гл҃етъ г҃ь вседержи́тель. и не и҆мать ѻ҆ста́вити и҆мъ ко́рени лоза·
2
И҆ въсїѧ́етъ вамъ боѧ́щимсѧ и҆мени мое҆го слн҃҃це пра́вед̑но, і҆ и҆сцѣле́нїе кры́лꙋ е҆го. і҆ и҆зы́идете и҆ възыгра́етесѧ ꙗ҆́ко тел꙽цы ѿ ѹ҆́зъ раздрѣше́ни. и҆ поперетѐ безакон꙽ники, и҆ бꙋ́дꙋтъ пе́пелъ под̑ нога́ма вашима, въ дн҃ь во́ньже а҆зъ сътворю, гл҃тъ г҃ь вседръжитель·
3
помѧните зако́нъ моѷсеѧ раба̀ моего, ꙗ҆́коже повелѣхъ е҆мꙋ въ хоривѣ къ всемꙋ і҆ил҃ю, повелѣ́нїѧ и ѻ҆правда́нїѧ·
4
И҆ с̂е а҆зъ посыла́ю вамъ і҆лїю ѳезвитѧнина, прежде прише́ствїѧ дн҃е гн҃ѧ великаго и҆ просвѣще́ннаго, и҆же ѹ҆стро́итъ срд̑це ѿц҃ꙋ къ сн҃ꙋ, и҆ срд̑це чл҃кꙋ къ и҆скренемꙋ, да не прише́дъ поражю зе́млю гро́бїю·
5
Коне́цъ прро̑҇кꙋ малахїи и҆́мат̑ в себѣ гла́въ д҃·
Джерела
