Ostroh BibleОб'явлення св. Івана Богослова, розділ 10
Шрифт:
Запис:
1
И видѣхъ и҆́нъ а҆гг҃лъ крѣ́пок꙽ сходѧщъ с нб҃се, ѻ҆́блъченъ въ ѻ́блакъ, и҆ дꙋга̀ на главѣ̀ е҆го, и҆ лице е҆мꙋ ꙗ҆́ко сл҃нце, и҆ ноѕѣ е҆го ꙗ҆́ко столпы̀ ѻ҆́гнены·
2
і҆ и҆мѣ́ѧ в рꙋцѣ свое́и кни́гꙋ раз̑гибенꙋ·
3
и҆ поста́ви но́гꙋ свою̀ деснꙋ́ю на́ мори, а҆ шꙋю на землѝ·
4
и҆ възопѝ гла́сомъ вели́кымъ ꙗ҆́ко ле́въ рыка́а·
5
і҆ егда̀ възгласѝ, гл҃аша седмь громов꙽. гла́сы свои҆ми.
6
І҆ егда възгласи́ша седмь гро́мовъ гла́сы свои҆ми. хотѣхъ писа́ти. и҆ слы́шахъ гласъ съ нб҃се гл҃ющъ м̂и, запечатлѣи ꙗ҆́же гл҃аше седмь громовъ, и҆ сего не пишѝ.
7
И҆ а҆гг҃лъ е҆гоже видѣхъ стоѧ́ща на́ мори и҆ на землѝ, въздви́же рꙋкꙋ свою на́ нб҃о и҆ клѧтсѧ живꙋщим̑ въ вѣкы вѣкомъ, и҆же създа̀ нб҃о, и҆ ꙗ҆́же на немъ, и҆ зе́млю, и҆ ꙗ҆́же на неи, и҆ мо́ре, и҆ ꙗ҆же в немъ. ꙗ҆́ко лѣта ѹ҆же не бꙋдет̑·
8
Но въ́ дни гласа седмаго а́гг҃ла, е҆гда и҆мать въстрꙋби́ти·
9
и҆ скьнча́ти та́инꙋ бж҃їю, е҆же бл҃говѣсти свои҆ми рабы про̑҇ркы. и҆ гласъ е҆го слы́шах̑ с нб҃се паки гл҃ющъ со мно́ю. и҆ гл҃а. и҆дѝ и҆ прїими книжицѧ разгнꙋтыѧ въ рꙋцѣ а҆гг҃ла стоꙗ҆щаго на́ мори и҆ на землѝ. і҆ и҆дохъ къ а҆гг҃лꙋ гл҃ѧ е҆мꙋ, дажд̑ь ми кни́жицѧ и҆ рече м̂и, прїими и҆ снѣжд̑ь ѧ҆̀ и҆ горка бꙋдетъ въ́ чревѣ твоемъ, н̂о въ ѹ҆стѣхъ т̂и сладка бꙋдетъ ꙗ҆́ко мед̑·
10
И҆ прїѧ́хъ книгꙋ ѿ рꙋкѝ а҆гг҃ла, и҆ снѣдохъ ѧ҆̀. и҆ быша въ ѹ҆стѣхъ мои҆хъ ꙗ҆ко медъ сладкїи. и҆ е҆гда снѣдохъ ѧ҆̀ горка бѧше въ́ чревѣ мое҆мъ. и҆ рече м̂и подоба́етъ т̂и паки про̑҇рчьствова́ти в людехъ. и҆ въ племенехъ и҆ въ ꙗ҆́зы́цехъ и҆ въ цр҃ехъ мно́ѕѣхъ·
Джерела
