Ostroh BibleОб'явлення св. Івана Богослова, розділ 15
Шрифт:
Запис:
1
И видх̑ѣ и҆́но знаменїе на нб҃си ве́лїе и҆ чюдно, сед̑мь а҆гг҃лъ и҆мꙋщихъ сед̑мь ꙗ҆звъ послѣднихъ, занѐ в тѣхъ скон꙽ча́етсѧ ꙗ҆́рость бж҃їѧ·
2
И҆ видѣхъ ꙗ҆́ко мо́ре стклѧно, смѣшено съ ѻ҆гнемъ, и҆ побѣди́вшаа ѕвѣрѧ, и҆ ѻ҆́бразъ е҆го, и начерта́нїе е҆го, и҆ число̀ и҆мени е҆го, стоѧ҆ща на́ мори стъклѧномъ, и҆мꙋще гꙋсли бж҃їа·
3
И҆ поюще пѣснь моѷсе́ѻвꙋ раба бж҃їѧ, и҆ пѣснь а҆гньчю, гл҃юще, ве́лїа и҆ ди́вна дѣла твоѧ г҃и, б҃е вседержителю, пра́ведни и҆ і҆стини пꙋтїе твои, цр҃ю ст҃ыхъ. кт̂о не ѹ҆бои҆тсѧ тебе г҃и, и҆ просла́витъ и҆мѧ твое; ꙗ҆ко е҆ді́нъ преподобенъ е҆си. ꙗ҆ко вс̂и ꙗ҆зы́цы прїидꙋтъ, и҆ покло́нѧтсѧ пред̑ тобою, ꙗ҆́ко ѻ҆правданїѧ твоѧ ꙗ҆ви́шасѧ·
4
И҆ по сихъ видѣхъ, и҆ с̂е ѿве́рзесѧ храмъ скѷнїѧ свѣденїѧ на нб҃си. и҆ і҆зы́де седмь а҆гг҃лъ и҆з храма, и҆же и҆мѣꙗ҆́хꙋ сед̑мь ꙗ҆звъ. ѻ҆блечены в ризы лнѧны чи́сты и҆ свѣтлы. и҆ препоѧ́сани на персехъ по́ꙗ҆́сы златыми·
5
И҆ е҆ді́нъ ѿ четырь живо́тныхъ, дасть сед̑мимъ а҆гг҃ломъ сед̑мь фїа́лъ златыхъ и҆спо́лнь ꙗ҆рости, б҃а, живꙋщаго въ вѣкы вѣ́комъ·
6
И҆ наполнисѧ храмъ ды́ма, ѿ сла́вы бж҃їѧ, и҆ ѿ силы е҆го·
7
И҆ никтоже можа́ше въни́ти въ храмъ, до́ндеже сконча́ют꙽сѧ сед̑мъ ꙗ҆́звъ, сед̑михъ а҆гг҃лъ·
Джерела
