Ostroh Bible❧Об'явлення св. Івана Богослова, розділ 19

1

И по сихъ слы́шахъ глас̑҇ ве́лїи наро́да мно́га на нб҃си, гл҃ющъ, а҆ллилꙋїа. спс̑҇нїе и҆ сла́ва и҆ честь и҆ си́ла г҃ꙋ б҃ꙋ на́шемꙋ, ꙗ҆́ко и҆стинни и҆ пра́ви сꙋди е҆го, ꙗ҆ко сꙋдилъ е҆сть любодѣици великои, и҆же просмради зем̑лю любодѣанїемъ своим̑. и҆ м꙽стѝ кровь ра́бъ свои҆хъ ѿ рꙋкы̀ еа̀. и҆ второ́е рѣша а҆ллїлꙋїа, и҆ дымъ еѧ̀ въсхождаше въ вѣкы вѣкомъ. и҆ падоша двадесѧть и҆ четы́ре ста́рцы, и҆ четы́ре животна, и҆ поклони́шасѧ бв҃и сѣд́ѧщемꙋ на прс̑҇тлѣ гл҃ще, а҆мин̑҇ а҆ллїлꙋїа·

2

И҆ глас̑҇ и҆зыде ѿ прс̑҇то́ла гл҃ющъ, по́ите б҃ꙋ на́шемꙋ вс̂и рабѝ е҆го, и҆ боѧ́щеѝсѧ е҆го, и҆ ма́лїи и҆ вели́цїи·

3

И҆ слы́шах̑ ꙗ҆́ко глс̑҇а наро́да мно́га, и҆ ꙗ҆ко глас̑҇ во̑ мног̑҇, и҆ ꙗ҆́ко глс̑҇а гро́мов̑҇ крп̑҇ѣкых̑ гл҃ющих̑ а҆ллїлꙋїа. ꙗ҆́ко въц҃рисѧ г҃ь б҃ъ вс̂едръжи́тел̑҇, радꙋимсѧ и҆ веселим̑сѧ и҆ дадим̑ сла́вꙋ емꙋ ꙗ҆́ко прїиде брак̑҇ а҆гньчїи·

4

И҆ жена̀ е҆го ѹ҆гото́вала ес̑҇ себѐ, и҆ дано̀ быс̑҇ еѝ ѻ҆блещисѧ въ вѷссон̑҇ чистъ и҆ свѣтел̑҇. вѷссон̑҇ б̂о ѻ҆правданїа ст҃ых̑ е҆сть·

5

И҆ гл҃а м̂и напишѝ, бл҃жени званїи на вечерю бра́ка а҆гньча. и҆ гл҃а м̂и, сїи словеса̀ и҆стинна бж҃їа сꙋть·

6

И҆ пад̑ пред̑ нога́ма е҆го поклонихсѧ е҆мꙋ. и҆ гл҃а м̂и, ви́жд̑ь, н̂и, клеврет̑ т̂и е҆см꙽, и҆ братїа твоеѧ̀ и҆мꙋщ́ыхъ свѣдѣтельство і҆с҃ово, б҃ꙋ поклони́сѧ. свѣдѣтельство б̂о і҆с҃ово ес̑҇ дх҃ъ прро̑҇чествїа·

7

И҆ видѣхъ нб҃о ѿве́ръсто, и҆ с̂е конь бл̑҇ѣ и҆ сѣдѧи на немъ вѣ́ренъ і҆ и҆стинен꙽, и҆ правдосꙋдныи, и҆ вои́нныи, ѻ҆́чи же е҆мꙋ е҆ста ꙗ҆́ко пла́мень ѻ҆гнемъ, и҆ на главѣ̀ е҆го вѣнцы̀ мно́ѕи·

8

И҆мыи̑ и҆мѧ напи́сано, е҆же никтоже вѣсть, токмо ѻ҆́нъ самъ·

9

И҆ ѻ҆блеченъ в ри́зꙋ чр́ъвленꙋ кровїю, нарица́етсѧ и҆мѧ е҆го сло́во бж҃їе·

10

И҆ вои҆нъства нбс̑҇наа и҆дѧхꙋ въ слд̑ѣ е҆го, на конехъ бѣлых̑. и҆ ѻ҆блече́ни въ вѷссон̑҇ бѣлъ и҆ чистъ·

11

И҆ и҆зъ ѹ҆стъ е҆го и҆зыи̑де ѻ҆рꙋжїе ѻ҆стро̀, да тым̑ и҆збїет̑ ꙗ҆зыкы, и той ѹ҆пасет̑ ѧ҆̀ жезлом̑ желѣзным̑, и҆ то́й пе́рет̑ точи́ло вина̀ ꙗ҆́рости и҆ гнѣва бж҃їа вседръжителева·

12

І҆ и҆мать на рызѣ и҆ на стегн̀ѣ своем̑ и҆мѧ напи́сано, цр҃ь цр҃ем̑, и҆ г҃ь гм҃ъ·

13

И҆ видѣхъ е҆ді́нъ а҆гг҃лъ стоѧ́щъ на сл҃нци·

14

И҆ възпѝ гласом̑ ве́лїемъ, гл҃ѧ, всѣмъ пти́цамъ парѧщимъ посредѣ нб҃си·

15

Прїидѣте и҆ съберѣтесѧ на вечерю великꙋю бж҃їю, да снѣсте плоти цр҃еи, и҆ плоти крѣпкыхъ, и҆ плоти ты́сѧщъниковъ, и҆ плоти конеи, и҆ сидѧщих̑ на нихъ, и҆ плоти всѣхъ свободных̑ и҆ рабовъ, и҆ малыхъ и҆ вели́кыхъ·

16

И҆ видѣхъ ѕвѣръ и҆ цр҃и земныѧ, и҆ воѧ и҆́х̑ съ́браны, сътворити брань съ сѣдѧ́щимъ на конѝ, и҆ с воинъствы е҆го̀. и҆ ꙗ҆́тъ бысть ѕвѣръ, и҆ с нимъ л꙽живыѝ прро̑҇къ сотво́ръвыи зна́менїѧ предъ ни́мъ, и҆́миже прельстѝ прїем̑шаа начрътанїе ѕвѣрино, и҆ покланѧ́ющаѧсѧ і҆конѣ е҆го̀·

17

Жива въвръжена быста ѻ҆́ба въ е҆зеро ѻ҆гнено горѧщее жю́пелом̑·

18

А҆ про́чїи ѹ҆бїе́ни бꙋдꙋтъ ѻ҆рꙋжїем꙽ сѣдѧ́щаго на конѝ и҆зшед̑шим̑ и҆зъ ѹ҆стъ е҆го, и҆ всѧ п꙽ти́ца насытишасѧ ѿ плотї и҆хъ·