Книга Псалмів
Книга Псалмів, розділ 121Острозька Біблія
Шрифт:
Запис:
1
Възвесели́хсѧ ѻ҆ рекших̑ мнѣ, в домъ гн҃ь вни́демъ·
2
Стоѧ́ще бѣхꙋ но́гы нашѧ въ дворѣхъ твои́хъ і҆ерс̑҇ли́мъ·
3
І҆е҆рс̑҇ли́мъ ѕи́ждемъ ꙗ҆́ко град̑, е҆мꙋже причастїе е҆го вкꙋ́пѣ·
4
Тамо б̂о взыдоша колѣна, колѣна гн҃ѧ свѣдѣнїе і҆ил҃ево, и҆сповѣдатисѧ и́мени гн҃ю·
5
Ꙗ҆́ко т̂ꙋ сѣдошѧ прс̑҇тли на сд̑ꙋ, престоли в домꙋ̀ двд̑вѣ·
6
Вопроси́те же ꙗ҆́же ѻ҆́ мирѣ і҆ерс̑҇ли́мꙋ, и҆ ѻ҆билїе любѧщымъ т̂ѧ·
7
Бꙋ́ди же миръ в꙽ си́лѣ твоей, и҆ ѻ҆билїе в꙽ столпꙋстѣнахъ твои́хъ·
8
Ради братїи моих̑ и҆ ближ꙽нихъ мои́х꙽, гл҃ах̑ ѹ҆бо ми́ръ ѻ҆ тебѣ·
9
домꙋ ради г҃а б҃а нашего, в꙽зыскахъ бл҃гаа тебѣ·
Джерела
