Книга Псалмів
Книга Псалмів, розділ 74Острозька Біблія
Шрифт:
Запис:
1
Исповѣмысѧ тебѣ бж҃е, и҆сповѣмысѧ тебѣ, и҆ призовемъ и́мѧ твое·
2
Повѣм вс̂ѧ чюдеса твоа, е҆гда прїимꙋ вре́мѧ, а́зъ пра́воты сꙋжд̑ꙋ·
3
Разтаасѧ зем̑лѧ, и вси живꙋщеѝ на не́й·
4
А҆зъ ѹ҆твердих̑ столпы̀ еа̀·
5
Рѣхъ безако́ннꙋющымъ, не безако́ннꙋите. и҆ съгрѣшѧ́ющым̑, не възноси́те ро́га·
6
Не въздви́жите на высотꙋ̀ ро́га ва́шего, и҆ не гл҃ите на́ б҃а непра́вдꙋ·
7
Ꙗ҆́ко ни ѿ сходъ ни ѿ запад̑, ни ѡ пꙋстъ горъ, ꙗ҆́ко б҃ъ сꙋди́и е҆сть·
8
Сего смирѧ́етъ, и҆ сего възно́ситъ. ꙗ҆́ко ча́шѧ в рꙋцѣ гн҃и вина̀ нерастворе́на и҆сполнь растворе́нїа, и҆ ѹ҆клонѝ ѡ сеа̀ в сїю, ѻ҆баче дро́ждїе е҆го не и҆скы́дашѧсѧ·
9
И҆спїю́тъ вс̂и грѣшнїи землѧ, а҆зъ же възрадꙋюсѧ в꙽ вѣкъ, пою̀ б҃ꙋ і҆а́ковлю·
10
И҆ вс̂ѧ ро́гы грѣшныхъ сломлю̀, и҆ възнесе́тсѧ рогъ пра́веднаго·
Джерела
