Ostroh BibleДруга книга хронік, розділ 14
Шрифт:
Запис:
1
Ѹспе́ же а҆вїѧ съ ѿц҃ы свои҆́ми, и҆ погребо́ша е҆го въ градѣ двд҃вѣ·
2
Црс̑҇твова́ же а҆́сс꙽а сн҃ъ е҆го в꙽ него мѣсто въ дн҃и же а҆́с꙽сы почѝ землѧ̀ і҆ѹ́дина. лѣтъ, і҃. и҆ сътворѝ а҆́сса. бл҃го и҆ ѹ҆годно бы́сть пред̑ гм҃ъ бм҃ъ е҆го, и҆ превратѝ ѻ҆лтари чю́ждаѧ, и҆ слꙋжбы вы́шнѧѧ, и҆ съкрꙋшѝ и҆́долы. и҆ дре́ва же посѣчѐ. и҆ повелѣ і҆ѹ́дѣ да взы́щетъ г҃а б҃а ѿц҃ъ свои҆хъ. и҆ да сътвори́тъ закон̑҇ е҆го и҆ за́повѣди. и҆ съкрꙋши́ша ѿ всѣхъ гра́довъ і҆ѹ́диных̑ ѻ҆лтарѝ, і҆ и́долы и҆ црс̑҇твова̀ в ми́рѣ крѣп꙽це, въ́ градх̑ѣ і҆ѹ́диныхъ. смири́ бо сѧ землѧ̀·
3
създа́ же и҆ поса́ды запа́систы въ і҆ѹ҆де́и. и҆же поко́ино бы́сть, и҆ ни е҆ді́на въ времена̀ ты̀ бра́нь въста̀, ми́ръ б̂о г҃ꙋ възда́юще е҆мꙋ. рече же і҆ѹ́да съзи́ждемъ гра́ды сїѧ и҆ ѻ҆гради́мъ стѣ́ны, и҆ ѹ҆крѣпи́мъ столпы̀, и҆ вра́та, и҆ за́мки. в не́иж̑ землѝ господ꙽ствꙋ́емъ. ꙗ҆́ко в꙽зыска́хомъ г҃а б҃а ѿц҃ъ на́шихъ. и҆ възыска́на, и҆ възда́сть на́мъ ми́ръ по ѻ҆́крс̑҇тъ. съ поспѣш꙽ством̑. того ради създа́ша, и҆ ни е҆ді́но въ строе҆́нїи помѣша́нїе бы́сть·
4
И҆мѣ же а҆́с꙽са, во́и. въ ѻ҆рꙋжїи свои҆хъ, носѧ́щихъ щи́ты. и҆ ко́пїа ѿ і҆ѹ́ды, ҂т҃. ѿ венїа҆ми́на щи́т꙽никовъ. и ст̀рѣлцевъ. ҂с҃п. вс́и же сїи мꙋжи на́ брань крѣпчаиши·
5
И҆зы́иде же проти́вꙋ и҆хъ зара́и е҆ѳиѻ́плѧнин꙽, съ во́и свои́ми десѧ́тїю сот̑ тма́ми. и҆ колесни́цъ, ҂т҃, и҆ прїиде да́же до мари́са, и҆ а́сса, и҆зы́иде противꙋ е҆мꙋ. и҆ ѹ҆строи́ша брань ѹ҆ де́бри на сѣверъ мари́са, и҆ възва̀ а҆́сс꙽а г҃а б҃а и҆ реч̑҇. помоѕѝ нам̑ г҃и б҃е на́шъ, занѐ на тѧ ѹ҆пова́емъ, и҆ въ твоѐ и҆́мѧ и҆мѣ́ющи неѻ҆бинове́нїе. прїидо́хом꙽ съпроти́вꙋ того мно́жества·
6
Ги҃ бж҃е нашъ ты̀ е҆си не премо́жетъ противꙋ тебѐ чл҃къ. и҆ ѹ҆страшил꙽ г҃ь е҆фиѻ́пы, пред̑ а́с꙽сою і҆ и҆ѹ́дою·
7
И҆ бѣжа́ше же е҆фїѻ́пы и҆ гна̀ и҆хъ а҆с꙽са и҆ лю́дїе и҆же с ни́мъ да́же до гедо́ра, и҆ падо́ша е҆фїѻ́пы даже до погꙋбле́нїа ꙗ҆́ко г҃ꙋ бїю́щꙋ съкрꙋши́шасѧ. и҆ пред̑ во́и е҆го ѻ҆полча́ющесѧ. и҆ взѧ́ша плене́нїѧ мно́га, и҆ порази́ша гра́ды и҆хъ по ѻ҆́крс̑҇тъ гедо́ра. вели́къ б̂о стра́хъ гн҃ь ѻ҆бъꙗ҆́тъ и҆хъ·
8
И҆ разори́ша гра́ды, и҆ мног̑҇ плѣнъ и҆з꙽несо́ша. н̂о и҆ кꙋщи ѻ҆́вцамъ, и҆ а҆мазо́новъ и҆з꙽сѣко́ша. и҆ взѧ́ша скота̀ бесчи́слено мно́жество и҆ вельблюд̑. и҆ възврати́шасѧ въ і҆ерс̑҇лимъ·
Джерела
