Ostroh BibleДруга книга хронік, розділ 15
Шрифт:
Запис:
1
Аза́рїѧ же сн҃ъ а҆да́довъ, бы́сть в не́мъ дх҃ъ бж҃їи, и҆зы́иде въ срѣтенїе а҆́ссы, і҆ѹ҆де́ѻ҆въ, и҆ венїами́на, и҆ реч̑҇ е҆мꙋ·
2
Ѹ҆слы́шите м̂ѧ а҆́сса. и҆ весь і҆ѹ́да, и҆ венїами́нъ. г҃ь с ва́ми, ꙗ҆́ко бы́сте с ни́мъ. а҆́ще в꙽зы́щете е҆го, ѻ҆бра́щетсѧ ва́мъ. а҆́ще же ѻ҆ста́вите е҆го, ѻ҆ста́витъ васъ. мно́ги дн҃и въ і҆и҆л҃и без꙽бж҃їѧ и҆́стинны, и҆ без꙽ сщ҃енниковъ, и҆ без꙽ ѹ҆чи́тель же, и҆ без̑ зако́на·
3
Є҆гда же и҆ ѻ҆брати́тъ и҆хъ въ печа́лехъ своих̑. и҆ възопїютъ къ г҃ꙋ б҃ꙋ і҆и҆л҃евꙋ, ѻ҆брѧ́щетсѧ и҆мъ. въ вре́мѧ ѻ́но не бꙋдет̑ ми́ръ и҆сходѧ́щемꙋ, ꙗ҆́ко ꙗ҆́рость гн҃ѧ на всѣ́хъ ѻ҆бита́ющих̑ на землѝ·
4
И҆ ѻ҆полчи́тъ бо сѧ ꙗ҆зы́къ на ꙗ҆зы́къ, и҆ град̑ проти́вꙋ гра́дꙋ, ꙗ҆́ко г҃ь смꙋтит̑ и҆хъ въ всѧ́кои печа́ли. и҆ в̂ы ѹ҆бо ѹ҆крѣпи́тесѧ. и҆ не ѻ҆вѧ́жꙋтсѧ рꙋ́ки ва́ши. бꙋ́детъ б̂о м꙽зда̀ дѣ́ла ва́шего·
5
И҆же е҆гда слы́ша а҆́с꙽са словеса̀ сїѧ, и҆ прро̑҇чество а҆за́рїѧ прро̑҇ка. ѹ҆крѣпи́сѧ и҆ ѿѧ́тъ и҆́долы, ѿ всеѧ̀ землѧ̀ і҆иѹ́ды и҆ венїами́на, и҆ ѿ грд̑а и҆́хъже ѹ҆крѣпѝ и҆е҆ровоа́мъ въ горѣ е҆фре́мли·
6
И҆ ѻ҆сщ҃а ѻ҆́лтаръ гн҃ь и҆же б̂ѣ пред̑ притво́ромъ гн҃имъ. събра же всего і҆ѹ́дꙋ, и҆ венїами́на. и҆ пришел̑҇цы ѻ҆бита́ющїи с ни́ми ѿ е҆фрема, и҆ манасїѧ, и҆ ѿ симеѻ́на. мно́ѕи б̂о к немꙋ прибѣго́ша ѿ і҆и҆л҃ѧ, ви́дѧщи ꙗ҆́же г҃ь б҃ъ е҆го бы́сть с ни́мъ. е҆гда же прїидо́ша въ і҆ерс̑҇лимъ. въ мцс̑҇ъ, г҃. в лѣто, е҃і. црс̑҇тва а҆́с꙽сы·
7
И҆ пожро́ша г҃ꙋ въ дн҃ь то́и ѿ кори́сти, и҆ плѣне́нїи е҆же возведо́ша волов̑҇, з҃ сот̑ и҆ ѻ́венъ, з҃. тысѧ́щ꙽ и҆ вни́де ѿ зако́на на ѹ҆крѣпле́нїе ми́ра да взы́щт̑ꙋ г҃а б҃а ѿц҃ъ свои҆хъ, и҆ всѣ́мъ срд̑цем꙽, и҆ всею̀ дш҃ею и҆хъ. и҆ всѧ́къ и҆же речет̑, не взыска́ти г҃а б҃а і҆и҆л҃ева да ѹ́мрет̑, ѿ ме́ньшаго да́же до бо́лшаго. ѿ мꙋжа да́же до жены̀. заклѧ́ша же сѧ г҃ꙋ гла́сомъ вели́кимъ, въ восклица́нїи. и҆ въ звꙋ́кꙋ трꙋ́бномъ. вси же і҆ѹ҆де́и възра́довашасѧ ѻ҆ клѧ́твѣ. всѣ́мъ срд̑цемъ свои҆мъ клѧ́шасѧ, и҆ въ все́и воли в꙽зыска́ша е҆го, и҆ ѻ҆брѣте́сѧ и҆мъ·
8
Пода́сть же и҆мъ г҃ь поко́и по ѻ҆́крс̑҇тъ·
9
Но и҆ маа́хꙋ мт҃рь свою̀ и҆змѣни́лъ е҆же не бы́ти въ слꙋж꙽бꙋ а҆ста́рта и҆́дола, и҆ съкрꙋшѝ е҆го, в꙽ кꙋ́съ раздробѝ, и҆ сож꙽же въ пото́цѣ ке́дръстѣмъ, ра́звѣ вы́шнѧа ѻ҆ста́ви занѐ бѣ въ і҆ѹ҆де́и и҆ въ і҆и҆л҃и·
10
Но и҆ срд̑це а҆́с꙽сы бѣ съверше́но въ всѣхъ дн҃ехъ е҆го·
11
И҆ внесѐ ст҃аѧ дв҃да ѿц҃а свое҆го, и҆ ст҃аа в домꙋ̀ бж҃їи, и҆ сребро̀ и҆ зла́то, съсꙋ́ды и҆ бра́нь не бы́сть съ ни́мъ, да́же до, л҃е҃ го, лѣта црс̑҇тва а҆́ссина·
Джерела
