Ostroh BibleПерша книга Мойсеєва: Буття, розділ 5
Шрифт:
Запис:
1
Сїа кни́га бы́тїа чл҃ча, въ иже дн҃ь сътворѝ б҃ъ а҆да́ма. по ѻ҆́бразꙋ бж҃їю сътворѝ е҆го, мꙋжа и҆ женꙋ̀ сътворѝ их̑, и҆ блс̑҇ви и҆мъ. и҆ наречѐ и҆мѧ е҆мꙋ а҆дам̑ вънже дн҃ь сътворѝ их̑.
2
Жи́тъ же а҆да́мъ лѣтъ, р҃л, и҆ родѝ сн҃а по видѣ́нїю свое҆мꙋ и҆ по ѻ҆́бразꙋ свое҆мꙋ, и҆ наречѐ и҆́мѧ е҆мꙋ си́фъ, быс̑҇ же дн҃їи а҆да́мовых̑ ꙗ҆́же пожи́тъ ро́жд̑ь си́фа лѣтъ, и҃, сот̑, и҆ родѝ сн҃ы и҆ дще́ры·
3
И҆ бы́сть всѣхъ дн҃їи а҆да́мовыхъ и҆же поживѐ лѣтъ, ѳ҃, сот̑ и҆ л҃, и҆ ѹ́мрѣтъ·
4
Поживѐ же си́фъ лѣтъ, с҃е, и҆ родѝ е҆носа, и҆ поживѐ си́фъ ро́жд̑ь е҆но́са, лѣтъ, з҃, со́тъ и҆ з҃, и҆ род̑и̑ сн҃ы и҆ дще́ры·
5
Бы́сть же всѣ́хъ дн҃їи си́фовыхъ лѣтъ, ѳ҃, сот̑ и҆, в҃і, и҆ ѹ҆́мрѣтъ·
6
Поживе́ же е҆но́съ, лѣтъ, рч҃, и҆ родѝ каи҆на́на·
7
И҆ жи́тъ е҆но́съ повнегда̀ роди́ти е҆мꙋ каи҆на́на, лѣтъ, з҃, сотъ и҆ е҃і, и҆ родѝ сн҃ы и҆ дще́ры, и҆ бы́сть всѣ́хъ дн҃їи е҆но́совых̑, лѣтъ, ѳ҃, сот̑ и҆ е҃ и ѹ҆́мрѣтъ·
8
И҆ жи́тъ каи҆на́нъ, лѣтъ рѻ҃, и҆ родѝ малеле́ила, и҆ поживѐ каи҆на́нъ повнегда̀ роди́ти е҆мꙋ малеле́и҆ла, лѣтъ, з҃, сотъ м҃, и҆ родѝ сн҃ы и҆ дще́ры, и҆ быша вс̂и дн҃їе каи҆на́новы, лѣтъ, ѳ҃ со́тъ и҆ і҃, и҆ ѹ҆мрѣтъ·
9
И҆ поживѐ малеле́илъ лѣтъ рѯ҃е, и҆ родѝ а҆́реда·
10
И҆ жи́тъ малеле́илъ роди́въ а҆́реда, лѣтъ, з҃, со́тъ и҆ л҃, и҆ родѝ сн҃ы и҆ дще́ры·
11
И҆ бы́сть всѣхъ дн҃їи малеле́иловыхъ, лѣтъ и҃, со́тъ и҆ че҃, и҆ ѹ҆́мрѣтъ·
12
И҆ поживѐ а҆́редъ, лѣтъ, рѯ҃в, и҆ родѝ е҆но́ха, и҆ житъ а҆́редъ ро́жд̑ъ е҆но́ха лѣтъ, и҃ сот̑, и҆ родѝ сн҃ы и҆ дще́ры·
13
И҆ бы́сть всѣ́хъ дн҃їи а҆́редовых̑ лѣтъ ѳ҃, сот̑ и҆ ѯв҃, и҆ ѹ́мрѣт꙽·
14
И҆ поживѐ е҆но́хъ, лѣт꙽, рѯ҃е, и҆ родѝ маѳꙋса́ла. ѹ҆годи́ же е҆нохъ бг҃ꙋ·
15
И҆ поживѐ е҆но́хъ по рожд̑енїи маѳꙋса́ловѣ, лѣтъ, с҃, и҆ родѝ сн҃ы и҆ дще́ри·
16
И҆ бы́ша вс̂и дн҃їе е҆но́ховы, лѣтъ тѯ҃е·
17
И҆ ѹ҆годѝ е҆нохъ бг҃ꙋ, и҆ не ѻ҆брѣта́шесѧ зане преста́ви е҆го б҃ъ·
18
И҆ жи́тъ маѳꙋса́лъ, лѣтъ, рп҃з, и родѝ ламе́ха·
19
Жи́тъ же маѳꙋсал̑ рожд̑ь ламе́ха, лѣтъ, з҃, со́тъ и҆ пв҃, и҆ родѝ сн҃ы и҆ дще́ры·
20
И҆ бы́сть всѣхъ дн҃їи маѳꙋса́ловыхъ ꙗ҆́же жит̑ лѣтъ, ѳ҃, сот̑ и҆ ѯѳ҃, и҆ ѹ҆мрѣтъ·
21
И҆ жи́тъ ламех꙽ лѣтъ, рп҃и, и҆ родѝ сн҃а, и҆ наречѐ и҆́мѧ е҆мꙋ но́е, гл҃ѧ·
22
Се́и поко́итъ на́съ ѿ дѣлъ на́ших̑, и҆ ѿ печа́ли рꙋ́къ на́ших̑, и҆ ѿ землѧ̀ ю҆́же проклѧтъ г҃ь б҃ъ·
23
І҆ жи́тъ ламех̑ родѝвъ но́ѧ, лѣт꙽, е҃, сот̑ и҆ ѯе҃, и҆ родѝ сн҃ы и҆ дще́ры·
24
І҆ бы́сть всѣх꙽ дн҃їи ламе́ховыхъ лѣтъ, з҃, со́тъ нг҃, и҆ ѹ҆мрѣтъ·
Джерела
