Ostroh Bible❧Книга Суддів, розділ 17

1

И бы́сть мꙋжъ ѿ горы̀ е҆фрѣмлѧ и҆мѧ е҆мꙋ ми́ха·

2

И҆ реч̑҇ мт҃ри свое́й.

3

Ты́сѧщꙋ ѹбо и҆ р҃, сребреникъ и҆же и҆зги́бе ѹ҆ тебе и҆ проклина́еши, и҆ слы́шах̑ то. и҆ реч̑҇ въ ѹ҆́ши моѝ. и҆ с̂е сребро̀ ѹ҆ менѐ аз̑ взѧх̑ и҆̀. и҆ реч̑҇ мати е҆го блс̑҇вен꙽ сн҃ъ мои гв҃и·

4

И҆ ѿда́сть ты́сѧщꙋ и҆ р҃, сребре́никовъ мт҃ри свое́и. и҆ реч̑҇ мт҃и е҆го ѻ҆сщ҃а́юще ѻ҆ст҃ихъ сребро̀ гв҃и ѿ рꙋкы̀ мое҆ѧ тебѐ сн҃ови мое҆мꙋ сътвори́ти ѻ҆бразъ и҆зваѧ́нъ и҆ слиѧ́нъ, и҆ нн҃ѣ ѿдамъ е҆̀ тебѣ̀·

5

И҆ ѿда́сть сребро̀ мт҃ри свое́и. и҆ взѧ̀ мт҃и е҆го, с҃, сребрениковъ и҆ дасть и҆̀ зла́тарю. и҆ сътворѝ и҆мъ ѻ҆́бразъ и҆звѧ́анъ и҆ слїѧ́нъ. и҆ бысть с̂е в꙽ домꙋ̀ ми́хи·

6

И҆ до́мъ михїинъ е҆мꙋ домъ б҃а. и҆ сътворѝ ри́зꙋ жре́ческꙋ и҆ ѳераѳи́ма. и҆ наполни рꙋкꙋ е҆ді́номꙋ ѿ сн҃овъ свои҆хъ, и҆ бы́сть е҆мꙋ въ жре́чество·

7

И҆ в т̂ы дн҃и не бѣа́ше цр҃ѧ въ і҆и҆л҃и. н̂о е҆мꙋже сѧ видѣ правое пред̑ ѻ҆чи́ма е҆го творѧ́ше·

8

И҆ быс̑҇ ю҆́ноша ѿ виѳлеѻ҆́ма і҆ю́дина, и҆ ѿ ро́да и҆ племени і҆ю́дина. се́и же ю҆́ноша быс̑҇ левѷтинъ и҆ ѻ҆бита́ше т̂ꙋ·

9

И҆ посем̑ и҆́де се́и мꙋжъ ѿ гра́да виѳлеѻ҆́ма і҆ю́дина. ѻ҆бита́ти и҆деже ѻ҆брѧ́щет꙽ мѣ́сто. и҆ прїиде до горы̀ е҆фрѣмлѧ и҆ до́мꙋ михїина сходѧ́ще въ пꙋть свой·

10

И҆ реч̑҇ е҆мꙋ ми́ха ѿкꙋдꙋ и҆́деши. и҆ реч̑҇ е҆мꙋ левѷтинъ а҆́зъ е҆смь ѿ виѳлеѻ҆́ма і҆ю́дина и҆дꙋ же ѻ҆бита́ти и҆дѣже ѻ҆брѧщꙋ мѣ́сто·

11

И҆ реч̑҇ е҆мꙋ ми́ха сѧ́ди со мно́ю. и҆ бꙋ́ди м̂и ѿц҃ъ и҆ жре́цъ, а҆зъ т̂и да́мъ сребре́никовъ, і҃, в꙽ год̑, и҆ дво́е ри́зы і҆ и҆же на жи́тїе тебѣ. і҆ и҆де левгѷ въ слд̑ѣ е҆го·

12

И҆ нача̀ ѻ҆битати ѹ҆ мꙋжа и҆ бы́сть ю҆́ноша ꙗ҆ко е҆ді́нъ ѿ сн҃овъ е҆го·

13

И҆ напо́лни ми́ха рꙋкꙋ левѷтинꙋ. и҆ бысть е҆мꙋ ю҆́ноша жрецъ в꙽ домꙋ е҆го·

14

И҆ рече ми́ха нн҃ѣ ѹ҆вѣдѣ ꙗ҆́ко бл҃го сотвори́тъ б҃ъ мн̂ѣ. ꙗ҆́ко бы́сть мн̂ѣ левѷтинъ жре́цъ·