Ostroh Bible❧Книга Суддів, розділ 8

1

И рекоша к немꙋ̀ мꙋ́жи е҆фрѣмли что̀ с̂е сътворѝ на́мъ ꙗ҆́ко не позва̀ нас̑҇ е҆гда по́иде вое҆ва́ти на мадїа́ма. и҆ прѧ́хꙋсѧ с ни́мъ си́лно·

2

И҆ рече к ним̑ гедеѻ́нъ, не та́ко ли сътвори́хъ нн҃ѣ ꙗ҆́коже и҆ в̂ы. не лꙋ́чшее л̂и собра́нїе послд̑ѣнее е҆фрѣмле, нежели собранїе вина̀ а҆вїезе́рова·

3

В рꙋкꙋ ва́шꙋ, предас̑҇ г҃ь кнѧ́ѕѧ мадїа́млѧ. ѻ҆ри́ва, и҆ зи́ва. и҆ что́же а҆́зъ могох̑ сътвори́ти ꙗ҆́коже в̂ы. тогда̀ почѝ дх҃ъ их̑ ѿ него̀, вънегда̀ гл҃а им̑ сло́во с̂е·

4

И҆ прїиде гедеѻн̑҇ къ і҆ѻ҆ръда́нꙋ. и҆ пре́иде сам̑ і҆ и҆же с ним̑, т҃, мж̑ꙋ а҆л꙽чни и҆ ѹ҆трꙋжде́ни гонѧ́ще·

5

И҆ реч̑҇ мꙋ́жем̑ сокхо́ѳскым̑. дадите ѹ҆́бо мꙋжем̑ хлѣбы и҆же со мно́ю ꙗ҆́ко ал̑҇чни ст̑ꙋ. аз̑ б̂о женꙋ̀ въ слд̑ѣ зеве́ѧ, и҆ салмона цр҃ѧ мадїам̑лѧ·

6

И҆ реко́ша кнѧ́ѕи съкхоѳе́иски е҆гда̀ глава̀ зеве́а и҆ салмо́на нн҃ѣ въ рꙋцѣ твое́и, ꙗ҆́ко да дамы̀ вое҆мъ твои҆мъ хлѣ́бы·

7

И҆ реч̑҇ гедеѻ҆́нъ не та́ко н̂о вънегда̀ преда́стъ г҃ь зеве́ѧ и҆ салмо́на въ рꙋ́кꙋ мою. а҆́зъ сотрꙋ̀ пло́ти ва́ша те́рнїемъ въ пꙋсты́ни и҆ побы́лью·

8

И҆ възы́де ѿтꙋ́дꙋ въ ваѳанꙋ́илъ, и҆ гл҃а к ним̑ по се́мꙋ же. и҆ ѿвѣща́ша е҆мꙋ мꙋ́жи ѳанꙋ́или, ꙗ҆́коже ѿвѣща́ша е҆мꙋ мꙋж́їе сокхо́ѳъстїи·

9

И҆ реч̑҇ гедеѻ҆́нъ мꙋж́емъ ѳанꙋ́ильским̑ рекꙋщ́е, внегда̀ ѻ҆брѧ́щꙋсѧ с ми́ромъ. раскопа́ю столпъ с́еи·

10

Зеве́и же и҆ салмон̑҇, быша в꙽ карка́рѣ и҆ по́лкъ их̑ с ни́ми, до е҃і, тысѧщъ мꙋж́еи ѻ҆ставших̑ ѿ всего по́лка сн҃овъ въсто́чныхъ. а҆ ѹ҆ме́рших̑ бѣа́ше, р҃, и҆ к҃ тысѧщъ мꙋж́ь дръжащих̑ ко́пїе·

11

И҆ възы́де гедеѻ҆́нъ пꙋте́мъ живꙋщ́ихъ въ кꙋщахъ. ѿ восто́къ а҆нава́и прѧ́мо на́вы. і҆ и҆збѝ по́лкъ. по́лкъ же бѣа́ше ѹ҆пова́ющъ·

12

И҆ пробѣгнꙋ́ста зеве́и, и҆ салмо́на. и҆ гна̀ въ слд̑ѣ и҆хъ и҆ ѧ҆̀ ѻ҆́ба̀ цр҃ѧ мадїа́млѧ. зеве́ѧ, и҆ салмо́на. и́ весь по́лкъ е́ю рас꙽сыпа·

13

И҆ ѻ҆брати́сѧ гедеѻ҆́нъ сн҃ъ и҆ѻ҆а́совъ ѿ ра́ти, пре́жде въсхо́да сл҃нца·

14

И҆ ѧ̀ ѻ҆тро́чищъ ѿ мꙋже́и сък꙽хо́ѳъ, и҆ въпраша е҆го. и҆ въписа̀ ѿ него̀ кнѧ́ѕѧ сок꙽хо́ѳ꙽скы. и҆ ста́рца и҆хъ, ѻ҃, и҆ сед̑мь мꙋ́жь·

15

И҆ прїиде гедеѻ҆́нъ къ мꙋже́мъ сокхо́ѳъ. и҆ реч̑҇ и҆мъ с̂е зеве́и и҆ салмо́нъ, и҆хже ради ѹ҆кори́сте м̂ѧ гл҃юще. е҆да̀ глава̀ зеве́а и҆ салмо́на,.

16

И҆ нн҃ѣ въ рꙋ́цѣ твое́и. да дадим̑ мꙋжемъ твоим̑·

17

ѿ ѹ҆трꙋж́дъшим꙽сѧ хлѣ́бы·

18

И҆ поѧ̀ кнѧ́ѕи и҆ ста́рца град̑ныѧ, и҆ те́рнїе, ѿ пꙋсты́ни и҆ наказа̀ и҆мъ мꙋ́жа сокхо́ѳ꙽ски. и҆ сто́лпъ ѳанꙋ́иль раскопа̀. і҆ и҆збѝ мꙋж́а град̑ныѧ·

19

И҆ реч̑҇ къ зеве́ю и҆ салмо́нꙋ. ꙗ҆́ко в̂ы мꙋж́и ꙗ҆́же и҆зби́сте въ ѳаво́рѣ. и҆ рѣша ꙗ҆ков̑҇ т̂ы таковїи ѻ҆нѝ. подо́бен꙽ ты е҆си и҆мъ. ко́ждо б̂о их̑ ѻ́бразомъ ꙗ҆́ко сн҃ове цр҃ьски·

20

И҆ реч̑҇ гедеѻн̑҇ бра́тїа моа и҆ сн҃ове мт҃ре мое́ѧ ст̑ꙋ. жи́въ г҃ь а҆́ще бы́сте живи́ли и҆хъ. не ѹ҆билъ бы́хъ ва́съ·

21

И҆ реч̑҇ е҆ѳе́рꙋ прьвенцꙋ̀ свое҆мꙋ въста́въ ѹ҆бїи их̑, и҆ не и҆звлечѐ ѻ҆тро́чищь меча̀ свое҆го, ѹ҆боѧ́сѧ млад̑ б̂о бѣаше·

22

И҆ реч̑҇ зеве́а и҆ салмо́на. въста́ни ѹ҆бо т̂ы и҆ съпротиви́сѧ на́ю, ꙗ҆́ко́въ б̂о мꙋжъ та́ко и҆ си́ла е҆го. и҆ въста́въ гедеѻн̑҇ ѹ҆бѝ зеве́ѧ и҆ салмо́на. и҆ взѧ̀ мо́хры ꙗ҆же на вы́ѧхъ вельблю́домъ и҆хъ·

23

И҆ реко́ша мꙋж́и і҆и҆л҃ьстїи къ гедеѻ́нꙋ. владѣ́и т̂ы в нас̑҇ и҆ сн҃ове сн҃овъ твоих̑, ꙗ҆́ко т̂ы сп҃се нас̑҇ ѿ рꙋ́кꙋ мадїа́млю·

24

И҆ реч̑҇ к ни́м꙽ гедеѻ́нъ не владѣ́ю а҆́зъ ва́ми. н̂и воз꙽владѣ́етъ сн҃ъ мо́и ва́ми. н̂о г҃ь да владѣе́тъ ва́ми·

25

И҆ реч̑҇ к ним̑ гедеѻн̑҇ прошꙋ ѹ҆ васъ е҆ді́ноѧ вещи. да мѝ дасть мꙋж́ь ѹ҆серѧ́зь ѿ полона̀ свое҆го, ꙗ҆́ко ѹ҆серѧ́зи зла́ты мно́ѕи бѧхꙋ и҆мъ. зане́же и҆зъмалтѧне бѧ́хꙋ·

26

И҆ реко́ша даю́ще да́мы и҆ простроша ри́зꙋ. и҆ възверго́ша т̂ꙋ мꙋж́и ѹ҆серѧ́зь злат̑ полона̀ свое҆го·

27

И҆ бы́сть мѣра ѹ҆серѧ́зь зла́тыхъ, и҆хже ѹ҆просѝ ты́сꙋща, и҆ з҃ сот̑, сикль зла́та ра́звѣе плениц̑҇, и҆ ѻ҆дѣнїи е҆м꙽ѳоѳовых̑. и҆ ри́зъ багрѧ́ныхъ ꙗ҆же на цр҃ихъ мадїа́млихъ·

28

ра́звѣе гри́венъ златыхъ, ꙗ҆́же на вы́ѧхъ вельблюд̑ и҆хъ·

29

И҆ сътвори ѿ нихъ гедеѻ́нъ ꙗ҆́ко ри́зꙋ жре́ческꙋ, и҆ постави и҆̀ въ гра́дѣ свое҆мъ е҆фраѳа и҆ съблꙋдѝ ве́сь і҆и҆л҃ь въ слд̑ѣ е҆го та́мо и҆ бы́сть гедеѻ́нꙋ и҆ всемꙋ̀ е҆го до́мꙋ въ собла́знь·

30

И҆ премѣни́сѧ мадїа́мъ пред̑ сн҃ы і҆и҆л҃евы. и҆ не приложи́ша въздви́гнꙋти гла́вы свое҆ѧ, и҆ бы́сть въ покоѝ землѧ̀, м҃, лт̑ѣ. въ дн҃и гедеѻ́новы·

31

І҆ и҆де е҆рова́ль сн҃ъ и҆ѻа́сов̑҇ и҆ сѣ́де в домꙋ̀ свое҆мъ·

32

Гедеѻ́нꙋ же бѣше, ѻ҃, сн҃овъ, и҆зшед̑шїи ѿ чре́слъ е҆го. ꙗ҆́ко же́ны бѣхꙋ мно́гы е҆мꙋ·

33

И҆ подло́жница е҆го ꙗ҆́же в сики́мѣ и҆ с̂и родѝ е҆мꙋ сн҃ъ. и҆ нарече и҆́мѧ е҆мꙋ а҆вимеле́хъ·

34

И҆ ѹ́мре гедеѻ́нъ сн҃ъ и҆ѻ҆а҆с꙽со́въ. въ ста́рости бла́зѣ. и҆ погребе́сѧ въ горѣ̀ і҆ѻ҆а́сса ѿц҃а е҆го въ веѳра́ѳе. ѿц҃а е҆здрые҆ва·

35

И҆ бы́сть ꙗ҆ко ѹ҆́мре гедеѻ́нъ, съврати́шасѧ сн҃ове і҆и҆л҃еви, и҆ съблꙋди́ша въ слѣ́дъ ваали́ма. и҆ сътвори́ша себѣ̀ ваа́львери́ѳа въ за́вѣтъ, да и҆мъ бꙋ́дет꙽ бг̑҇о·

36

И҆ не въспомѧнꙋша сн҃о і҆и҆л҃еви г҃а б҃а свое҆го, и҆збавльшаго ѧ҆̀ и҆з рꙋкы всѣ́хъ вра́гъ и҆хъ ѻ҆́крс̑҇тныхъ·

37

И҆ не сътвори́ша милости съ домо́мъ і҆е҆роа́ловым̑, сїи е҆сть гедеѻ́нъ по все́и млти е҆го и҆же сътворѝ съ і҆ил҃емъ·