Ostroh Bible❧Книга Йова, розділ 9

1

Ѿвѣща і҆́ѻ҆въ и҆ реч̑҇, вои҆́стин̑҇нꙋ вѣдѣ ꙗ҆́ко та́ко е҆сть. ка́ко б̂о чл҃къ пра́веденъ ѹ҆ г҃а. а҆ще б̂о хо́щетъ прѣтисѧ с нимъ, не послꙋшает̑ е҆го да не пререче́тъ, къ е҆ді́номꙋ словеси е҆го и҆зъ ѹ҆стнꙋ̀. премꙋдръ б̂о ес̑҇ мы́слїю, крѣпокъ же и҆ вели́къ. кто же́стокъ бы́въ, прѧ́мо е҆мꙋ стерпѣлъ. ѻ҆бет꙽ша́ѧи го́ры, не вѣдѧтъ превраща́ѧи ѧ҆̀ гнѣ́вомъ. трѧсы́и подънбс̑҇нꙋю ѿ ѻ҆снова́нїѧ, столпи же сѧ дви́жат̑. гл҃ѧи слн҃цꙋ и҆ не въсхо́дитъ, на звѣзды же назнаменаетъ. простры́и е҆ді́нъ нб҃о и҆ ходѧ̀ по́ морю ꙗ҆ко по землѝ·

2

творѧ́и власожельца, и҆ проход̑ню нарек̑҇ т̂ꙋ, ра́и ю҆жь наложа̀. творѧ́и ве́лїѧ и҆ неи҆слѣ́дованнаа, сла́вна же і҆ и҆зрѧ́дна, и҆мже нѣ́сть числа̀. а҆ще прїидет̑ ко мнѣ̀ не и҆́мамъ ви́дѣти, и҆ а́ще ми́мои҆де́тъ м̂ѧ и҆ ни ка́ко разꙋмѣхъ. а҆ще и҆змѣни́тъ кто̀ възврати́тъ, и҆л̂и кт̂о речет꙽ е҆мꙋ чт̂о сътвори́лъ е҆си. ты б̂о ѿвратѝ гнѣвъ, прегнꙋш́асѧ им̑ кѷти под̑нбс̑҇ныѧ·

3

А҆ще м̂ѧ ѹ҆слы́шитъ, и҆л̂и разъсꙋ́дитъ гл҃ы моѧ. а҆ще пра́веденъ сы́и, но ѹ҆слы́шитъ ми. сꙋдꙋ е҆го помолю́сѧ, а҆ще же взовꙋ̀ и҆ не ѹ҆слы́шитъ, и҆ не и҆мꙋ̀ вѣры ꙗ҆́ко ѹ҆слы́ша гл҃ы моѧ. да не м꙽гло́ю м̂ѧ потреби́тъ, мно́га же м̂и сътре́нїѧ сътворѝ въсꙋ́е. нѣсть б̂о ми ѿд꙽хнꙋти, и҆сполни же м̂ѧ го́рести ꙗ҆́ко б̂о крѣпостїю дръжи́тъ. кт̂о ѹ҆бо сꙋдꙋ е҆го противитсѧ. а҆ще б̂о бꙋдꙋ пра́ведникъ, ѹ҆ста̀ моѧ нече́стїе творѧтъ. а҆ще бꙋдꙋ непоро́ченъ, лꙋка́въ бꙋдꙋ. а҆ще б̂о без꙽честїе сътвори́хъ не вѣмъ дш҃ею мое҆ю, ра́звѣ ꙗ҆́ко ѻ҆тѧ́тъ м̂и ес̑҇ живо́тъ. тѣм꙽же рѣхъ, вели́ка и҆ си́лна гꙋбитъ гнѣвъ, ꙗ҆́ко лꙋка́вїи въ смр҃тнои вла́сти. н̂о праведънїи насмѣва́ютсѧ, преда́ни б̂о сꙋть в рꙋцѣ нечести́выхъ, лица сꙋдїи е҆го покрива́етъ, а҆ще л̂и не сам̑ кт̂о е҆сть. жи́тїе же мое лжа̀ е҆сть текꙋщаго ѿбѣго́ша и҆ не ви́дѣша. и҆л̂и е҆сть корабле́мъ слѣдъ пꙋтѝ, и҆л̂и ѻ҆рла̀ летѧ́ща и҆́щꙋща ꙗ҆́ди. а҆ще б̂о рече забꙋдꙋ гл҃ѧ, вни́кнꙋвъ лице́мъ въз꙽дхнꙋ̀, и҆ движа́сѧ въ сѣни съ ѹ҆ды. вѣ́дѣ б̂о ꙗ҆́ко непови́нна м̂ѧ ѻ҆ста́виши. понеже нечести́въ е҆смь, почто́ же не ѹ҆мро́хъ. а҆ще б̂о и҆змы́юсѧ снѣ́гомъ, и҆ ѻ҆чи́щꙋсѧ рꙋка́ма чи́стыми. пости́жнѣ въ сквернѣ ѻ҆мочи мѧ, ѻ҆ме́рзѣ ж́е мѧ ѻ҆дежда. а҆ще б̂о чл҃къ е҆си проти́вꙋ мн̂ѣ е҆мꙋже ѿпрю́сѧ, да прїидемъ вкꙋпѣ на сд̑ꙋ. а҆ сꙋдѧ бы хода́таи намъ бы́лъ ѻ҆блича́ѧ, и съслꙋшаѧ междꙋ ѻ҆бѣма. да ѿи҆метъ ѿ мене же́злъ, бо́ѧзнь же е҆го да не смꙋща́етъ менѐ, и҆ не ѹ҆бою́сѧ, н̂о възъгл҃ю·