Ostroh BibleЄвангеліє від св. Матвія, розділ 11
Шрифт:
Запис:
1
И бы́сть е҆гда съвершѝ і҆с҃, заповѣ́даѧ ѻ҆бѣманадесѧте ѹ҆ченико́ма свои́ма, пре́иде ѿтꙋ́дꙋ ѹ҆чи́ти и҆ проповѣдати въ градѣхъ их̑·
2
зч̑҇а, м҃·
3
І҆ѻ҆а́ннъ же слы́шав꙽ въ ѹ҆зылищи дѣла хв҃а, посла́въ два ѿ ѹ҆ченикъ своих̑. рече е҆мꙋ. ты́ ли е҆си грѧдыѝ, и҆лѝ и҆ного чѧ́емъ; и҆ ѿвѣщавъ і҆с҃ рече и҆мъ. шед̑ша възвѣстита і҆ѻ҆а́ннови, ꙗ҆́же слы́шита и҆ ви́дита. слѣпїи прозира́ютъ и҆ хро́мїи хо́дѧтъ, прокаже́нїи ѻ҆чища́ютсѧ, и҆ глꙋсїи слы́шѧт꙽ мр҃твїи въста́ют꙽, и҆ ни́щїи бл҃говѣствꙋють. и҆ бл҃же́нъ е҆сть и҆́же а҆ще не събла́знит̑сѧ ѻ҆ мнѣ·
4
тѣма же и҆схо́дѧ́щема, начѧ́тъ і҆с҃ наро́домъ гл҃ати ѻ҆ і҆ѻ҆а́ннѣ. чесо и҆зыдо́сте в꙽ пꙋсты́ню видѣти; тро́сть лѝ вѣтром꙽ колѣблем̑; но̀ чесо и҆зыдо́сте видѣти; чл҃ка лѝ в꙽ мѧк꙽кы ри́зы ѻ҆блъчена; с̂е и҆же мѧ́к꙽каѧ носѧщеѝ, въ домохъ црс̑҇кыхъ сꙋтъ·
5
но чесо и҆зыдо́сте видѣти; прро̑҇ка л̂и; еѝ гл҃ю вамъ, и҆ лише прро̑҇ка·
6
се́и бо е҆сть, ѻ҆ не́мже е҆сть пи́сано·
7
Сѐ а҆́з꙽ посыла́ю а҆гг҃ла мое҆го прд̑е лицемъ твои҆мъ, и҆́же ѹ҆готовит̑ пꙋть твои пред꙽ тобою·
8
а҆мин̑҇ гл҃ю ва́мъ. не въста̀ в роженых̑ жена́ми болїи и҆ѻ҆а́нна крс̑҇тлѧ. мнїи же, въ црс̑҇твїи нбс̑҇нѣмъ, болїи е҆го е҆сть·
9
ѿ дни же і҆ѻа́нна крс̑҇тлѧ досе́лѣ, цр҃ьствїе нбс̑҇ное нꙋ́дитсѧ. и҆ нꙋжници въсхища́ютъ е҆̀.
10
Всѝ бо прро̑҇ци и҆ зако́нъ до и҆ѻ҆а́нна проре́кошѧ. и҆ а҆́ще хо́щете прїꙗ҆́ти, то́и е҆сть и҆лїа хотѧ́и прїити. и҆мѣѧи ѹ҆ши слы́шати, да слы́шитъ·
11
зч̑҇а, м҃а
12
Комꙋ же ѹ҆подоблю̀ ро́дъ сеи. подо́бен꙽ е҆сть дѣтем̑, сѣдѧ́щим꙽ на то́ржищих꙽, и҆ възглаша́ющимъ дрꙋгомъ свои́мъ, и҆ гл҃ющимъ. писка́хомъ ва́мъ, и҆ не плѧсасте. плака́хомъ вам̑, и҆ не рыда́сте·
13
Прїиде б̂о і҆ѻа́нъ ни ꙗ҆́ды нѝ пїѧ, и҆ гл҃ете бѣ́съ и́мат̑. прїиде сн҃ъ чл҃ческїи ꙗ҆́дый и҆ пїа, и҆ гл҃ете, с̂е чл҃къ ꙗ҆́дца и҆ винопїицѧ, мытаремъ дрꙋгъ и҆ грѣшникомъ. и҆ ѻ҆пра́вдисѧ премꙋ́дрость. ѿ чѧдъ свои҆хъ·
14
зч̑҇а, м҃в·
15
Тогда̀ начат̑ і҆с҃ понаша́ти градовом꙽, в нихже бы́ша множа́ишаѧ си́лы е҆го, зане не пока́ашѧсѧ̀·
16
Го́ре тебѣ̀ хорази́нъ, го́ре тебѣ вѷѳсаи́да. ꙗ҆ко аще в тѷрѣ и сидо́нѣ быша си́лы былѝ бы́вшаѧ в ва́съ, древле ѹ҆́бо въ вре́тищи и҆ пе́пелѣ пока́ѧлисѧ бы́шѧ, ѻ҆ба́че гл҃ю вамъ, ти́рꙋ и҆ сидо́нꙋ ѿра́днѣе бꙋ́детъ в꙽ дн҃ь сꙋдныи, неже ва́мъ·
17
И҆ т̂ы капернаѹ҆мъ, и҆же до нб҃съ възнесы́исѧ, до а́да съни́деши. занѐ а҆́ще в содо́мѣхъ бы́шѧ си́лы былѝ, бы́вшаѧ в тебѣ, пребы́ли ѹ҆́бо бышѧ до дне́шнѧго дн҃е. ѻ҆баче гл҃ю ва́мъ, ꙗ҆́ко земли содо́мъстѣи ѿрад̑нѣе бꙋ́дет̑ в꙽ дн҃ь сꙋдныи, неже тебѣ·
18
в то̀ вре́мѧ ѿвѣща і҆с҃, речѐ. и҆сповѣда́ю ти сѧ ѻ҆ч҃е г҃и нб҃си и҆ землѝ, ꙗ҆́ко ѹ҆таилъ е҆си сїѧ ѿ премꙋдрыхъ и҆ разꙋмных̑, и҆ ѿкры́лъ е҆си та̀ младенцм̑е. еѝ ѻ҆ч҃е, ꙗ҆́ко та́ко бы́сть бл҃говоле́нїе предъ тобо́ю·
19
зч̑҇а, м҃г·
20
Вс̂ѧ мнѣ предана̀ сꙋть ѻ҆ц҃емъ моим̑·
21
и҆ никто́же зна́ет꙽ сн҃а, токмо ѿц҃ъ, ни ѻ҆ц҃а кт̂о зна́етъ, то́кмо сн҃ъ, и҆ е҆мꙋже а҆ще во́литъ сн҃ъ ѿкры́ти·
22
прїидѣте ко мнѣ всѝ трꙋжд̑ающеисѧ и҆ ѻ҆бремененїи, и҆ а́зъ поко́ю в̂ы.
23
Възмѣте и҆́го мое на себе, и҆ наѹ҆чи́тесѧ ѿ менѐ, ꙗ҆́ко кро́токъ е҆смь, и҆ смирен̑҇ срд̑цемъ, и҆ ѻ҆брѧ́щете поко́и дш҃амъ ва́шимъ·
24
и҆́го б̂о мое бл҃го, и҆ бремѧ мое ле́гко е҆сть·
Джерела
